Հա

Քաղաքական

17/05/2018 - 12:20

«Տարաձայնութիւնները կարող են լուծւել բացառապէս երկխօսութեան եւ բանակցութիւնների միջոցով». ՀՀ ԱԳՆ-ն յայտարարութեամբ է հանդէս եկել Գազայի հատւածում բախումների վերաբերեալ

Հայաստանի Հանրապետութեան արտաքին քաղաքական գերատեսչութիւնն իր պաշտօնական թւիթերեան էջում յայտարարութիւն է տարածել Գազայի հատւածում տեղի ունեցող զարգացումների վերաբերեալ: 

«alikonline.ir» - Հայաստանի Հանրապետութեան արտաքին քաղաքական գերատեսչութիւնն իր պաշտօնական թւիթերեան էջում յայտարարութիւն է տարածել Գազայի հատւածում տեղի ունեցող զարգացումների վերաբերեալ: Գրում է «tert.am»-ը:

«Մենք անհանգստացած ենք վերջին օրերին Գազայի հատւածում տեղի ունեցող զարգացումների առնչութեամբ: Կողմերը պէտք է աւելի շատ զսպւածութիւն եւ խոհեմութիւն դրսեւորեն՝ իրավիճակի հետագայ սրացումից խուսափելու համար: Մենք վերահաստատում ենք մեր դիրքորոշումն առ այն, որ տարաձայնութիւնները կարող են լուծւել բացառապէս երկխօսութեան եւ բանակցութիւնների միջոցով»,- նշւում է յայտարարութեան տեքստում:

Յիշեցնենք, որ օրերս Իսրայէլի բանակն անօդաչու թռչող սարքերի միջոցով արցունքաբեր գազ է կիրառել Գազայի հատւածի սահմանին հաւաքւած հազարաւոր պաղեստինցի ցուցարարների դէմ: Սկզբում իսրայէլական կողմը վերեւից թռուցիկներ է նետել՝ պաղեստինցիներին նախազգուշացնելով սահմանից հեռու մնալ:

Դրանից յետոյ կիրառւել է արցունքաբեր գազ:

Այնուամենայնիւ, դա յետ չի պահել ցուցարարներին կրկին սահմանի մօտ հաւաքւելուց: Ըստ աղբիւրի տւեալների՝ հաւաքւել է աւելի քան 35 հազար մարդ, որոնց դէմ արցունքաբեր գազից բացի նաեւ զէնք է կիրառւել: Իսրայէլցի ուժայինները կրակ են բացել բողոքի ցոյցերի առաւել ագրեսիւ մասնակիցների ուղղութեամբ: 

Յայտնի է, որ ցոյցերի մասշտաբն ու վրդովմունքի ալիքը զգալիօրէն մեծացել է Երուսաղէմում ամերիկեան դեսպանատան բացման ֆոնին:

Պաղեստինցի ցուցարարներն ինքնաշէն պայթուցիկ սարքեր եւ դիւրավառ հեղուկով շշեր են նետել, անւադողեր այրել եւ փորձել են կոտրել սահմանային արգելապատնեշները:

Յիշեցնենք, որ մայիսի 14-ին տեղի է ունեցել Երուսաղէմում ԱՄՆ դեսպանատան բացման արարողութիւնը, որին մասնակցելու նպատակով Իսրայէլ են ժամանել ԱՄՆ նախագահ Դոնալդ Թրամփի դուստր Իւանկան և նրա ամուսինը՝ Ջարեդ Քուշները, որոնք երկուսն էլ Սպիտակ տան աւագ խորհրդականներ են:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։