Ադրբեջանի պաշտպանական արդիւնաբերութեան նախարարութիւնը եւ իսրայէլական «Aeronautics» ընկերութիւնը նոր տեսակի անօդաչու թռչող սարքերի համատեղ արտադրութեան վերաբերեալ համաձայնագիր են ստորագրել:
«alikonline.ir» - Ադրբեջանի պաշտպանական արդիւնաբերութեան նախարարութիւնը եւ իսրայէլական «Aeronautics» ընկերութիւնը նոր տեսակի անօդաչու թռչող սարքերի համատեղ արտադրութեան վերաբերեալ համաձայնագիր են ստորագրել: Այդ մասին տեղեկացրել է Ադրբեջանի պաշտպանական արդիւնաբերութեան նախարարութիւնը: Տեղեկացնում է «tert.am»-ը՝ ադրբեջանական «minval.az»-ին յղումով:
Աղբիւրը մանրամասնում է, որ փաստաթուղթը ստորագրւել է Ադրբեջանի պաշտպանական արդիւնաբերութեան փոխնախարար Եահեա Մուսաեւի եւ «Aeronautics» ընկերութեան տնօրէնների խորհրդի ղեկավար Եդիդիա Եաարինի հանդիպման ժամանակ:
Նշւում է, որ կողմերն ընդգծել են տարբեր տեսակի անօդաչու թռչող սարքեր արտադրող «AZAD Systems» համատեղ ձեռնարկութեան բարեյաջող աշխատանքը:
