Հա

Քաղաքական

28/07/2018 - 17:10

Վալերի Սեմերիկով. «ՀԱՊԿ գլխաւոր քարտուղարի պաշտօնը մինչեւ 2020 թ. յունւարի 1-ը պատկանում է Հայաստանին»

Մինչեւ 2020 թ. յունւարի 1-ը ՀԱՊԿ-ում գլխաւոր քարտուղարի պաշտօնը Հայաստանինն է: 

«alikonline.ir» - Մինչեւ 2020 թ. յունւարի 1-ը ՀԱՊԿ-ում գլխաւոր քարտուղարի պաշտօնը Հայաստանինն է: Այս մասին «tert.am»-ի հետ զրոյցում ասաց ՀԱՊԿ գլխաւոր քարտուղարի տեղակալ Վալերի Սեմերիկովը՝ պատասխանելով այն հարցին, թէ ի՞նչ է նախատեսւած ՀԱՊԿ կանոնադրութեամբ, եթէ յանկարծ գլխաւոր քարտուղար Իւրի Խաչատուրովը Մարտի 1-ի գործով յայտնւի անազատութեան մէջ:

«Այդ հարցը Հաւաքական անվտանգութեան պայմանագրի կազմակերպութեան խորհրդի որոշելիքն է: Կայ խորհրդի որոշում, որ գլխաւոր քարտուղարի պաշտօնը զբաղեցնում են անդամ-պետութիւնները՝ ըստ այբբենական կարգի, քւոտայով: Գլխաւոր քարտուղարի պաշտօնը մինչեւ 2020 թ. յունւարի 1-ը Հայաստանինն է, սա ամրագրւած է, ուժի մէջ է եւ մնում է Հայաստանին»,- ասաց Վալերի Սեմերիկովը:

Նա շեշտեց, որ Իւրի Խաչատուրովին չեն կալանաւորել, նա ազատութեան մէջ է:

Յիշեցնենք, որ Իւրի Խաչատուրովին մեղադրանք է առաջադրւել ՀՀ Քրէական օրէնսգրքի 300.1 յօդւածի 1-ին մասով՝ այն բանի համար, որ նա այլ անձանց հետ նախնական համաձայնութեամբ 2008 թւականի մարտի 1-ին տապալել է Հայաստանի Հանրապետութեան սահմանադրական կարգը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։