Հա

Քաղաքական

06/08/2018 - 10:10

Թրամփը պէտք է օգնի ինձ այս ահաբեկիչների դէմ պայքարում. Մադուրոն իր դէմ մահափորձից յետոյ դիմել է ԱՄՆ նախագահին

Վենեզուէլլայի նախագահ Նիկոլաս Մադուրոն օգոստոսի 5-ին իր դէմ իրագործւած մահափորձից յետոյ դիմել է ԱՄՆ նախագահ Դոնալդ Թրամփին՝ խնդրելով օգնել իրեն ահաբեկիչների դէմ պայքարում:

«alikonline.ir» - Վենեզուէլլայի նախագահ Նիկոլաս Մադուրոն օգոստոսի 5-ին իր դէմ իրագործւած մահափորձից յետոյ դիմել է ԱՄՆ նախագահ Դոնալդ Թրամփին՝ խնդրելով օգնել իրեն ահաբեկիչների դէմ պայքարում:

Ըստ «tert.am»-ի՝ ինչպէս նշում է «Daily Mail»-ը, մահափորձից յետոյ ունեցած ելոյթում Մադուրոն յայտարարել է, որ մահափորձի հետեւում կանգնածների մի մասը գտնւում է Միացեալ Նահանգներում: Ուստի նա խնդրել է Թրամփին աջակցել իրեն դէպքի հետաքննութեան, ինչպէս նաեւ ԱՄՆ-ի տարածքում գտնւող մեղաւորներին գտնելու, պատասխանատւութեան ենթարկելու հարցում:

«Դա ինձ սպանելու փորձ էր: Այսօր նրանք փորձում էին սպանել ինձ»,- եւս մէկ անգամ շեշտել է Մադուրոն:

Վերջինս կատարւածի համար մեղադրել է Կոլումբիայի նախագահ Խուան Մանուէլ Սանտոսին, սակայն Կոլումբիայի արտաքին քաղաքական գերատեսչութիւնը շտապել է հերքել մեղադրանքը:

Յիշեցնենք, որ օգոստոսի 5-ին Բոլիւարեան ազգային գւարդիայի կազմաւորման 81-րդ տարեդարձին նւիրւած տօնական միջոցառման ժամանակ մայրաքաղաք Կարակասում տեղի է  ունեցել պայթիւն: Մադուրոն շտապ տարհանւել է, մի քանի զինւորական վնասւածքներ է ստացել:

Երկրի գլխաւոր դատախազը կատարւածը որակել է ահաբեկչութիւն:

Վենեզուէլլական «Ֆլանելէ զինւորներ» (Soldados de Franelas) զինւած խմբաւորումը ստանձնել է Մադուրոյի դէմ իրագործւած մահափորձի պատասխանատւութիւնը: Նրանք այս մասին գրել են իրենց թւիթերեան միկրոբլոկում:

Խմբաւորման անդամները մանրամասնել են, որ օգտագործել են երկու հատ անօդաչու թռչող սարք՝ համալրւած «С4» պայթուցիկով: Սակայն անօդաչուներին չի յաջողւել հասնել նախագահական լոջայի մօտ, քանի որ դիպուկահարները վնասազերծել են դրանք:

«Մենք ցոյց տւեցինք, որ կառավարութիւնը խոցելի է: Այսօր մենք չհասանք մեր նպատակին, բայց դա սոսկ ժամանակի հարց է»,- նշւել է խմբաւորման էջում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։