Հա

Քաղաքական

25/08/2018 - 15:50

Անգելլա Մերկէլը Բաքու հասնելուց յետոյ յիշել է Հայաստանը

Հայաստանից Ադրբեջան մեկնած կանցլերը, թերեւս, դեռ երկար կը յիշի երեւանեան այցը։ 

Գերմանիայի կանցլեր Անգելլա Մերկէլն այսօր առաւօտեան հասել է Բաքու, որից յետոյ նրա «Instagarm»-եան էջում լուսանկար է հրապարակւել։ Բայց ոչ թէ Բաքւից, այլ` Երեւանից։

«alikonline.ir» - Հայաստանից Ադրբեջան մեկնած կանցլերը, թերեւս, դեռ երկար կը յիշի երեւանեան այցը։ Գրում է «Sputnik» Արմենիան:

Գերմանիայի կանցլեր Անգելլա Մերկէլն այսօր առաւօտեան հասել է Բաքու, որից յետոյ նրա «Instagarm»-եան էջում լուսանկար է հրապարակւել։ Բայց ոչ թէ Բաքւից, այլ` Երեւանից։

«Երեկոյեան զբօսանք Երեւանում։ Մերկէլը պաշտօնական բանակցութիւններից յետոյ ՀՀ վարչապետ Նիկոլ Փաշինեանի եւ ՀՀ նախագահ Արմէն Սարգսեանի հետ ոչ մեծ զբօսանք է կատարել քաղաքում»,- գրւած է լուսանկարին կից մեկնաբանութիւնում։

Պաշտօնական այցով Հայաստան եկած Անգելլա Մերկէլը երէկ շրջել է Երեւանի կենտրոնով: Հիւսիսային պողոտայում նրան ուղեկցել են ՀՀ նախագահ Արմէն Սարգսեանը, վարչապետ Նիկոլ Փաշինեանը եւ նրա տիկին Աննա Յակոբեանը: Բազմաթիւ մարդիկ Մերկէլի, ՀՀ նախագահի եւ վարչապետի հետ ինքնանկարներ անելու հնարաւորութիւն են ունեցել:

Յիշեցնենք, որ Անգելլա Մերկէլի տարածաշրջանային այցը մեկնարկել է օգոստոսի 23-ին Թբիլիսիից։ Երէկ նա Երեւան է ժամանել։ Պաշտօնական դիմաւորումից յետոյ Գերմանիայի կանցլերն այցելել է Ծիծեռնակաբերդ, ապա «Թումօ» կենտրոն։

Մերկէլի պատւիրակութեան կազմում ընդգրկւել են կանցլերի` արտաքին քաղաքականութեան եւ անվտանգութեան հարցերի խորհրդական Եան Հեքէրը, Ֆինանսական եւ տնտեսական քաղաքականութեան գծով խորհրդական Լարս-Հենդրիկ Ռյոլլէրը, եւրոպական քաղաքականութեան գծով խորհրդական Ուվէ Կորզեպիուսը, կանցլերի աշխատակազմում Հարաւային Կովկասի բաժնի ղեկավար Մաթիաս Լիւթենբերգը։

Գերմանիայի կանցլերն այժմ Բաքւում է։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։