Հա

Քաղաքական

12/09/2018 - 14:20

Սիրիան տրոհում է Իրան-Ռուսաստան-Թուրքիա ալեանսը

Սեպտեմբերի 7-ին Թեհրանում հանդիպեցին Ռուսաստանի, Թուրքիայի ու Իրանի նախագահները` Սիրիայի հարցով: Ռոհանիի խօսքով` «բաց ու անկեղծ նշւում է մեր հետագայ գործակցութեան ճանապարհը», նաեւ` «մեր ջանքերի շարունակութիւնը կայունութիւն ու անվտանգութիւն հաստատելու ոչ միայն Սիրիայում, այլեւ ամբողջ տարածաշրջանում»: Տպաւորութիւն կար, որ Մոսկւան, Թեհրանն ու Անկարան մտադիր են սիրիական ալիանսին կայունութիւն հաղորդել ու ժամանակի մէջ ընդայնել աշխարհագրութիւնը:

ԱՆԱՀԻՏ ԱԴԱՄԵԱՆ

 

Սեպտեմբերի 7-ին Թեհրանում հանդիպեցին Ռուսաստանի, Թուրքիայի ու Իրանի նախագահները` Սիրիայի հարցով: Ռոհանիի խօսքով` «բաց ու անկեղծ նշւում է մեր հետագայ գործակցութեան ճանապարհը», նաեւ` «մեր ջանքերի շարունակութիւնը կայունութիւն ու անվտանգութիւն հաստատելու ոչ միայն Սիրիայում, այլեւ ամբողջ տարածաշրջանում»: Տպաւորութիւն կար, որ Մոսկւան, Թեհրանն ու Անկարան մտադիր են սիրիական ալիանսին կայունութիւն հաղորդել ու ժամանակի մէջ ընդայնել աշխարհագրութիւնը:

Ալեանսն աննախադէպ է` մի կողմում ԱՄՆ-ի պաշտօնական դաշնակից ու ՆԱՏՕ-ի անդամ Թուրքիան է, միւս կողմում` ԱՄՆ-ի պատժամիջոցների տակ գտնւող Իրանն ու Ռուսաստանը: Հրապարակաւ` նրանց միաւորում է ԴԱԷՇ-ի դէմ պայքարը, իրականում երեքն էլ առանձին ու սեփական շահեր ունեն:

Թեհրանում կատարւեց անսպասելին` արարողակարգային նկարահանումներից յետոյ խօսափողներն ու տեսախցիկները չանջատւեցին եւ հանդիպումն անցաւ ուղիղ եթերում: Գաղտնիք չէր, որ Մոսկւան ու Թեհրանը հակւած էին Իդլիբի խնդրի ուժային լուծմանը, իսկ Անկարան դէմ էր` պնդելով, որ մարտական գործողութիւններից յետոյ Թուրքիա է ուղղւելու փախստականների հոսքը: Բայց դա պաշտօնական պատճառաբանութիւն էր. խնդիրը միայն փախստականները չեն, եթէ Սիրիայի կառավարական զօրքերը մտնում են Իդլիբ, Անկարան պէտք է հեռանայ այնտեղից:

Ռուսաստանն ու Իրանն ունեն իրաւական փաստաթղթեր Դամասկոսի հետ, իսկ Թուրքիայի ռազմական ներկայութիւնը յարաբերականօրէն լեգիտիմացնում են միայն Աստանայի պայմանաւորւածութիւնները: ԱՄՆ-ի զինուժի ներկայութիւնը Սիրիայում միջազգային իրաւունքի տեսակէտից սամմիթում որակւեց ագրեսիա:

Ռոհանին յայտարարեց, որ «ԱՄՆ-ի ներկայութիւնը Սիրիայում անօրինական է, դա ագրեսիա է, որ բարդացնում է խաղաղութեան հաստատումը երկրում» եւ Վաշինգտոնից պէտք չէ «սպասել դրական դեր սիրիական հարցում»: Իրանի նախագահի խօսքով` Թեհրանը «կը պահպանի ներկայութիւնը Սիրիայում Դամասկոսի խնդրանքով»:

«The Washington Post »-ը, յղում անելով ԱՄՆ-ի պետդեպարտամենտի բարձրաստիճան ներկայացուցիչների յայտարարութիւններին, գրում է. «Դոնալդ Թրամփը, որ նախկինում պնդում էր ամերիկեան զօրքերը Սիրիայից արագ դուրս բերելու անհրաժեշտութիւնը, հիմա համաձայնել է նոր ռազմավարութեանը, որ նախատեսում է այդ երկրում ԱՄՆ-ի ռազմական անժամկէտ ներկայութեան պահպանումը»: Վաշինգտոնը «դէմ է սիրիական կառավարական զօրքերի յարձակմանը Իդլիբի վրայ», որովհետեւ համարւում է, որ Դամասկոսի վերահսկողութեան վերականգնումը նահանգում փաստացի կը դառնայ Սիրիայի ռազմական դիմակայութեան աւարտը: Պուտինը Թեհրանում յիշեցրեց, որ նահանգում բաւականաչափ քաղաքացիական անձինք կան, եւ դա պէտք է հաշւի առնել: Ռոհանին ակտիւօրէն չէր առարկում, որ ինչ-որ փոխզիջումային բանաձեւի գաղափարի մասին է յուշում: Արտաքուստ կողմերը դրական տրամադրւածութիւն դրսեւորեցին Սիրիայի իրավիճակի կարգաւորման հարցում` տարածքային ամբողջականութեան պահպանումով, ընդգծելով միջսիրիական երկխօսութեան կարեւորութիւնը ՄԱԿ-ի ԱԽ-ի 2254 բանաձեւի հիման վրայ` հետագայում Ժնեւում շարունակելու համար:

«Իրատես»

 

Յ.Գ. Ցանկացողները կարող են ՌԴ նախագահի« kremlin.ru» կայքում ծաօթանալ հանդիպման եւ՛ տեսագրութեանը, եւ՛ սղագրութեանը` համոզւելու, որ Էրդողանի ու Պուտինի տեսակէտները բոլորովին տարբեր են. Էրդողանը փախստականների անւան տակ պաշտպանում է ահաբեկիչներին, ու Պուտինը դա ասում է համարեայ բաց տեքստով: Փաստը մնում է փաստ, որ Պուտինը չի նահանջել եւ յայտարարել է, որ Ռուսաստանն ահաբեկիչներին ոչինչ չի զիջի: Էրդողանին մնացել է համաձայնելը: Իդլիբը անցնելու է Դամասկոսի վերահսկողութեան տակ. դա այլեւս կասկածի տեղիք չի տալիս: Երէկ Էրդողանը յայտարարել է, որ բացառում է Սիրիայի իշխանութիւնների հետ որեւէ համագործակցութիւն եւ անընդունելի է համարել Իդլիբում գտնւող «Ջեբհաթ ալ Նուսրա» խմբաւորմանը հարւածելու պատրւակով Իդլիբի խաղաղ բնակչութեան վրայ յարձակումները: Թուրքիան Իդլիբ է ուղարկում «Սիրիական ազատ բանակի» զինեալներին, որ աջակցել են Թուրքիային Սիրիայի հիւսիսում «Եփրատի վահան» եւ «Ձիթենու ճիւղ» ռազմական գործողութիւնների ժամանակ: Դժւար է ասել` ի՞նչ մնաց ալեանսից:

Յարակից լուրեր

  • Իրանում Պակիստանի դեսպանն ԱԳՆ է կանչւել
    Իրանում Պակիստանի դեսպանն ԱԳՆ է կանչւել

    Նախօրէին Սիստան եւ Բալուչիստան նահանգում տեղի ունեցած ահաբեկչական գործողութեան կապակցութեամբ, Իրանում Պակիստանի դեսպան Րաֆաթ Մասուդն այսօր՝ փետրւարի 17-ին ԱԳՆ է կանչւել. տեղեկացնում է ԻՌՆԱ-ն:

  • Ակնարկ. Գերքաղաքականացուած Մեկնաբանութիւններուն Դիմաց
    Ակնարկ. Գերքաղաքականացուած Մեկնաբանութիւններուն Դիմաց

    Սուրիա մարդասիրական առաքելութիւն իրականացնող խումբի ուղարկումը ինչպէս ներքին, նոյնպէս ալ միջազգային մակարդակի վրայ տեղի տուած է տարատեսակ մեկնաբանութիւններու:

  • Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»
    Փորձագէտ. «Թուրքիան շարունակում է վարել հին քաղաքականութիւնը Հայաստանի հանդէպ»

    Թուրքական կողմից Հայաստանի հետ յարաբերութիւնների հաստատման որեւէ ցանկութիւն չի նկատւում։ Այս մասին «News.am»-ի թղթակցի հետ զրոյցում ասել է Հայաստանի Գիտութիւնների ազգային ակադեմիայի Արեւելագիտութեան ինստիտուտի տնօրէն Ռուբէն Սաֆրաստեանը՝ պատասխանելով հարցին, թէ ինչպէս կարելի է գնահատել Հայաստանի կառավարութեան ծրագրում Թուրքիայի հետ դիւանագիտական յարաբերութիւնների հաստատման հնարաւորութիւնների մասին դրոյթի բացակայութիւնը։

  • Հնդկաստանը դէմ է հակաիրանական պատժամիջոցներին
    Հնդկաստանը դէմ է հակաիրանական պատժամիջոցներին

    Հնդկաստանի ԱԳ նախարար Սուշմա Սուարաջին երէկ՝ փետրւարի 16-ին Եւրոպա մեկնելիս կարճատեւ կանգառ է ունեցել Թեհրանում, որի ընթացքում հանդիպել է քաղաքական հարցերով ԱԳՆ տեղակալ Աբբաս Արաղչիի հետ. փոխանցում է ԻՌՆԱ-ն:

  • «Որեւէ երկրի հետ պատերազմելու նպատակ չունենք, սակայն պաշտպանելու ենք մեզ». Զարիֆ
    «Որեւէ երկրի հետ պատերազմելու նպատակ չունենք, սակայն պաշտպանելու ենք մեզ». Զարիֆ

    ԱԳ նախարար Մոհամմադ Ջաւադ Զարիֆն Իրանի նախկին ԱԳ նախարարների եւ Իրանում հաւատարմագրւած դեսպանների ու օտարերկրեայի դիւանագիտական ներկայացուցիչների մասնակցութեամբ կազմակերպւած հանդիպման ժամանակ անդարադարձել է յետյեղափոխութեան շրջանում Իրանի արատաքին քաղաքականութեանը. տեղեկացնում է ԻՌՆԱ-ն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։