Հա

Քաղաքական

18/09/2018 - 11:10

Թրամփի վարչակազմը մտադիր է հրաժարւել Իրանի հետ կապւած Նիքի Հէյլիի նախագծից

ԱՄՆ վարչակազմը մտադիր է հրաժարւել ՄԱԿ-ի Անվտանգութեան խորհրդում, Դոնալդ Թրամփի նախագահութեամբ Իրանի վերաբերեալ նիստ հրաւիրելու Նիքի Հէյլիի նախագծից:

«alikonline.ir» - ԱՄՆ վարչակազմը մտադիր է հրաժարւել ՄԱԿ-ի Անվտանգութեան խորհրդում, Դոնալդ Թրամփի նախագահութեամբ Իրանի վերաբերեալ նիստ հրաւիրելու Նիքի Հէյլիի նախագծից:

Այս մասին, ըստ ԻՌՆԱ-ի՝ տեղեկացրել է «The Washington Post» պարբերականը՝ վկայակոչելով իր հաւաստի աղբիւրին:

Յիշեցնենք, որ սեպտեմբերի 4-ին ՄԱԿ-ում ԱՄՆ մշտական ներկայացուցիչ Նիքի Հէյլին տեղեկացրել էր, որ Վաշինգտոնը մտադիր է Իրանի թեմայով հրաւիրել ՄԱԿ-ի ԱԽ յատուկ նիստ, որը նախագահելու է Դոնալդ Թրամփը: Հէյլին նշել էր, որ նիստի ընթացքում քննարկւելու են Իրանի հետ կապւած թեմաները, այդ թւում՝ Իրանի տարածաշրջանային գործունէութեան հարցը:

Սպիտակ տանը մտահոգւած են, որ նիստն իյայտ կը բերի Միջուկային համապարփակ համաձայնագրի հետ կապւած ԱՄՆ-ի եւ իր Արեւմտեան դաշնակիցների միջեւ գոյութիւն ունեցող խոր տարաձայնութիւնը:

«Չեմ կարծում, թէ որեւէ մէկը կը ցանկանայ տեսնել, թէ Իրանի հետ Միջուկային գործարքի վերաբերեալ, նախագահ Թրամփը Մէյի եւ Մակրոնի կողմից ինչպիսի հակազդեցութեան է արժանանալու: Նման պայմաններում նա կարող է բարկանալ եւ լքել նիստը՝ դիւանագիտակն մեծ սկանդալի պատճառ դառնալով»,- նշել է պարբերականի աղբիւրը:

Բացի այդ, ՄԱԿ-ի կանոնադրութեան 32 յօդւածը ցանկացած երկրի թոյլ է տալիս մասնակցել ԱԽ այն նիստին, որի ընթացքում քննարկւում է այդ երկրին վերաբերող թեմա, իսկ սա նշանակում է, որ Իրանը կարող է ներկայ լինել նախատեսւող նիստին, ինչն էլ կարող է Թրամփի եւ Իրանի ներկայացուցչի միջեւ անախորժ լարւածութեան պատճառ դառնայ:

«The Washington Post»-ի աղբիւրը նշել է, որ Սպիտակ տանը նախատեսում են, որ Իրանին վերաբերող նիստի փոխարէն, Թրամփը կը նախագահի միջուկային սպառազինութեան չտարածման եւ ինքնիշխանութեան վերաբերեալ ԱԽ նիստը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։