Հա

Քաղաքական

24/09/2018 - 08:40

ԱՄՆ նախկին բարձրաստիճան պաշտօնեաներն զգուշացնում են. «Թրամփի քաղաքականութիւնը կարող է Իրանի հետ պատերազմի պատճառ դառնալ»

Մի խումբ ԱՄՆ նախկին բարձրաստիճան պաշտօեաներ հանդէս են եկել յայտարարութեամբ՝ զգուշացնելով, որ Իրանի իշխանութիւնների նկատմամաբ Թրամփի վարչակազմի վարած քաղաքականութիւնը կարող է պատերազմի պատճառ դառնալ:

«alikonline.ir» - Մի խումբ ԱՄՆ նախկին բարձրաստիճան պաշտօեաներ հանդէս են եկել յայտարարութեամբ՝ զգուշացնելով, որ Իրանի իշխանութիւնների նկատմամաբ Թրամփի վարչակազմի վարած քաղաքականութիւնը կարող է պատերազմի պատճառ դառնալ:

Նախկին պաշտօնեաների խումբը, որը կոչւում է «Իրանի միջուկային զէնքը կանխելու ազգային դաշինք», կարծում է, թէ Իրանի դէմ ԱՄՆ վարչակազմի քաղաքական, տնտեսական եւ դիւանագիտական ճնշումների գործադրումը բաւարար չեն եւ Իրանի հետ լուրջ գործակցութիւն է անհրաժեշտ:

«Առանց դիւանագիտութեան, ճնշումների եւ միակողմանի պատժամիջոցների գործադրումը կարող է Իրանի հետ տարածաշրջանային վտանգաւոր, աւերիչ եւ տեւական կոնֆլիկտի պատճառ դառնալ»,- ասւած է յայտարարութեան մէջ:

Յայտարարութիւնը ստորագրած ականաւոր գործիչները մասնաւորապէս ընդգծել են, որ ԱՄՆ վարչակազմի որդեգրած քաղաքականութիւնը խիստ սահմանափակում է դիւանագիտական գործունէութեան հնարաւորութիւնը՝ Իրանին կանգնեցնելով բացարձակ կապիտուլացիայի կամ պատերազմի միջեւ ընտրութեան բարդ խնդրի առջեւ:

Նրանք Թրամփի վարչակազմին կոչ են արել վերադառնալ Միջուկային համապարփակ համաձայնագիր, որպէսզի հնարաւորութիւն ունենայ զսպելու Իրանի տարածաշրջանային եւ հրթիռային գործունէութիւնը:

Յայտարարութիւնը ստորագրել են ԱՄՆ 53 նախկին բարձրաստիճան պաշտօնեաներ:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։