Հա

Քաղաքական

11/10/2018 - 11:45

Մոգերինի. ««Աշխարհը կը փլւէր» առանց Եւրոմիութեան»

Աշխարհը կը փլւէր, եթէ չլինէր Եւրոմիութիւնը: Այս յայտարարութիւնն արել է եւրոպական դիւանագիտութեան ղեկավար Ֆեդերիկա Մոգերինին՝ հոկտեմբերի 10-ին դասախօսութեամբ հանդէս գալով Ֆինլանդիայում:

«alikonline.ir» - Աշխարհը կը փլւէր, եթէ չլինէր Եւրոմիութիւնը: Այս յայտարարութիւնն արել է եւրոպական դիւանագիտութեան ղեկավար Ֆեդերիկա Մոգերինին՝ հոկտեմբերի 10-ին դասախօսութեամբ հանդէս գալով Ֆինլանդիայում: Տեղեկացնում է «Արմէնպրես»-ը:

«Մի պահ մտածէք այդ մասին: Փակէք աչքերը եւ մի պահ պատկերացրէք, որ Եւրոպական միութիւնն անհետացել է աշխարհի բեմահարթակից: Ասենք, մէկ ամսով կամ մէկ շաբաթով, նոյնիսկ մի քանի օրով: «Աշխարհը պարզապէս կը փլւեր»,- Մոգերինիի ելոյթից մէջբերում է արել Եւրոմիութեան դիւանագիտական ծառայութիւնը: Նա կոչ է արել «գիտակցել, որ աշխարհը Եւրոպային որպէս ելման կէտ է նայում» կողմնորոշիչ փնտրելիս:

«Բացառէք բոլոր այն գործողութիւնները, որ մենք ամբողջ աշխարհում ձեռնարկում ենք որպէս Եւրոպական միութիւն, անդամ պետութիւնների հետ միասին, լինի դա խաղաղութիւնն ու անվտանգութիւնը, զարգացումը, մարդասիրական գործունէութիւնը, դիւանագիտութիւնը, եւ դուք կը հասկանաք, որ աշխարհի իրադրութիւնն, անտարակոյս, շատ աւելի վատ կը լինի»,- յաւելել է նա: Մոգերինիի կարծիքով՝ հարցն արդէն այն չէ, գերտէրութիւն է արդեօք Եւրոմիութիւնը, այլ այն, թէ ինչպէս օգտագործել այն ուժը, որը նա ունի: Աւելի վաղ Մոգերինին Եւրոմիութիւնը յայտարարել է համաշխարհային մշակութային գերտէրութիւն՝ նշելով Եւրոպայի արտաքին քաղաքականութեան այդ ոլորտում փոխգործակցութեան կարեւոր բաղադրիչը:

«Մշակոյթը մեր եւրոպական արտաքին քաղաքականութեան անկապտելի մասն է: Մենք՝ եւրոպացիներս, ի բնէ «մեղմ ուժ» ենք: Եւ նոյնիսկ այժմ, երբ մենք ներդնում ենք աւելին, քան երբեւէ, մեր «կոշտ ուժի» զարգացման, մեր եւրոպական պաշտպանութեան գործում, ինչը երբեմն անհրաժեշտ է, մենք շարունակում ենք մշակութային գերտէրութիւն լինել»,- յայտարարել է: «Եւրոպայի երկրները միշտ էլ գիտակցել են միջազգային մշակութային յարաբերութիւնների ուժն՝ ամէնից առաջ մեր տնտեսութիւնների համար, բայց նաեւ մեր միջազգային յարաբերութիւնների համար»,- յաւելել է Մոգերինին, հաղորդել Է «ՌԻԱ Նովոստի»-ն:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։