Հա

Քաղաքական

05/11/2018 - 08:40

«Կոմերսանտ». «ՀԱՊԿ գլխաւոր քարտուղարի ամենահաւանական թեկնածուն Բելառուսիայի ներկայացուցիչն է»

Հաւաքական անվտանգութեան պայմանագրի կազմակերպութիւնում (ՀԱՊԿ) քննարկում են գլխաւոր քարտուղարի պաշտօնում Բելառուսիայի Անվտանգութեան խորհրդի քարտուղար Ստանիսլաւ Զասին նշանակելու հարցը:

«alikonline.ir» - Հաւաքական անվտանգութեան պայմանագրի կազմակերպութիւնում (ՀԱՊԿ) քննարկում են գլխաւոր քարտուղարի պաշտօնում Բելառուսիայի Անվտանգութեան խորհրդի քարտուղար Ստանիսլաւ Զասին նշանակելու հարցը: Այս մասին ըստ «tert.am»-ի՝ յայտնում է «Կոմերսանտ»-ը:

Վերջնական որոշումը դաշինքի անդամ երկրների ղեկավարները կը կայացնեն նոյեմբերի 8-ին: Աղբիւրն ընդգծում է, որ «այս նշանակման շուրջ ինտրիգն այն է, որ թափուր պաշտօնին հաւակնում է Հայաստանը, որի շնորհիւ էլ այն թափուր է դարձել»:

Աստանայում նոյեմբերի 8-ին ՀԱՊԿ-ի անդամ երկրների ղեկավարները կը մասնակցեն ՀԱՊԿ խորհրդի նիստին: Ակնկալւում է, որ վերջակէտ կը դրւի ՀԱԿՊ-ի նոր գլխաւոր քարտուղարի նշանակման հարցում:

«Կոմերսանտ»-ի դիւանագիտական աղբիւրները կազմակերպութեան երեք երկրում յայտնում են, որ ամենայն հաւանականութեամբ յաջորդ երեք տարւայ ընթացքում ՀԱՊԿ-ի գլխաւոր քարտուղարի պաշտօնը կը զբաղեցնի Բելառուսիայի ներկայացուցիչը: 

Յիշեցնենք, որ ՀԱՊԿ գլխաւոր քարտուղարի պաշտօնը թափուր է մնացել, երբ Հայաստանը յետ է կանչել իր ներկայացուցիչ Իւրի Խաչատուրովին, որը կէս տարի է պաշտօնավարել այդ պաշտօնում: Յետկանչման ընթացակարգերն աւարտին են մօտեցել նոյեմբերի 2-ին: Այդ օրւանից գլխաւոր քարտուղարի ժամանակաւոր պաշտօնակատար է դարձել նրա տեղակալ Իւրի Սեմերիովը:

Առաւել հաւանական թեկնածու է հանդիսանում Ստանիսլաւ Զասը: 54-ամեայ գեներալ-մայորը 2015-ի նոյեմբերի 4-ից գլխաւորում է Բելառուսիայի Անվտանգութեան խորհրդի քարտուղարութիւնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։