Հա

Քաղաքական

05/11/2018 - 12:50

«Ներկայումս յայտնի չէ անգամ, թէ որ պետութիւնից է լինելու ՀԱՊԿ գլխաւոր քարտուղարը». Բելառուսիայի ԱԳՆ մամուլի քարտուղար

Մենք չունենք նման տեղեկութիւն: «tert.am»-ի հետ զրոյցում ասաց Բելառուսիայի արտաքին գործերի մամուլի քարտուղար Անատոլի Գլազը՝ խօսելով «Կոմերսանտ»-ի հրապարակման մասին, թէ ՀԱՊԿ գլխաւոր քարտուղարի պաշտօնում առաւել հաւանական թեկնածուն Բելառուսիայի Անվտանգութեան խորհրդի պետական քարտուղար Ստանիսլաւ Զասն է:

«alikonline.ir» - Մենք չունենք նման տեղեկութիւն: «tert.am»-ի հետ զրոյցում ասաց Բելառուսիայի արտաքին գործերի մամուլի քարտուղար Անատոլի Գլազը՝ խօսելով «Կոմերսանտ»-ի հրապարակման մասին, թէ ՀԱՊԿ գլխաւոր քարտուղարի պաշտօնում առաւել հաւանական թեկնածուն Բելառուսիայի Անվտանգութեան խորհրդի պետական քարտուղար Ստանիսլաւ Զասն է:

Նշենք, որ ՀԱՊԿ-ում գլխաւոր քարտուղարի պաշտօնը թափուր է մնացել Իւրի Խաչատուրովի ազատման դիմումից յետոյ: Հայաստանի ներկայացուցիչը տւեալ պաշտօնում, ըստ ՀԱՊԿ կանոնադրութեան, պէտք է պաշտօնավարէր 3 տարի, այնինչ, Իւրի Խաչատուրովն աշխատել է 1.5 տարի:

«Մենք էլ ենք կարդացել «Կոմերսանտ»-ը: Նման տեղեկութիւն մենք չունենք: Դիմէք յօդւածի հեղինակներին»,- ասաց Գլազը:

Ըստ Բելառուսիայի ԱԳՆ մամուլի քարտուղարի՝ ՀԱՊԿ գլխաւոր քարտուղարի ընտրութեան հարցը նոյեմբերի 8-ին Աստանայում կայանալիք գագաթնաժողովի ժամանակ քննարկւելու է:

«Ներկայումս, ըստ էութեան, յայտնի չէ անգամ, թէ որ պետութիւնից է լինելու ՀԱՊԿ գլխաւոր քարտուղարը, ուր մնաց՝ պարզ լինի, թէ ով է թեկնածուն: Դիմէք յօդւածի հեղինակներին: Կրկնում եմ՝ յայտնի չէ, թէ որ պետութիւնն է լինելու: Հարցը նոյեմբերի 8-ին քննարկւելու է»,- նշեց Անատոլի Գլազը:

Հիշեցնենք, որ ռուսական «Կոմերսանտ»-ի դիւանագիտական աղբիւրները կազմակերպութեան երեք երկրում յայտնում են, որ ամենայն հաւանականութեամբ յաջորդ երեք տարւայ ընթացքում ՀԱՊԿ-ի գլխաւոր քարտուղարի պաշտօնը կը զբաղեցնի Բելառուսիայի ներկայացուցիչը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։