Հա

Քաղաքական

27/11/2018 - 14:29

«Ինչո՞ւ են քրիստոնեաները, հրեաները եւ այլ կրօններ դավանողները ծառայում թուրքական բանակում». Կարօ Փայլանը՝ Թուրքիայի ՊՆ-ին

Թուրքիայի ընդդիմադիր «Ժողովրդների դեմոկրատական» կուսակցութեան անդամ, խորհրդարանի՝ Դիարբեքիրից ընտրւած պատգամաւոր Կարօ Փայլանը հարց է ուղղել երկրի պաշտպանութեան նախարար Հուլուսի Աքարին՝ կապւած նրա այն յայտարարութիւնների հետ, որոնցով նա թուրքական ԶՈՒ-ն կոչել էր «Իսլամի վերջին բանակ»:

«alikonline.ir»- Թուրքիայի ընդդիմադիր «Ժողովրդների դեմոկրատական» կուսակցութեան անդամ, խորհրդարանի՝ Դիարբեքիրից ընտրւած պատգամաւոր Կարօ Փայլանը հարց է ուղղել երկրի պաշտպանութեան նախարար Հուլուսի Աքարին՝ կապւած նրա այն յայտարարութիւնների հետ, որոնցով նա թուրքական ԶՈՒ-ն կոչել էր «Իսլամի վերջին բանակ»: Յայտնում է «tert.am»-ը:

Փայլանը քննադատել է նախարարի նման արտայայտութիւնը՝ հարցնելով, թէ ինչու են նման դէպքում թուրքական բանակ զօրակոչւում նաեւ քրիստոնէութիւն, յուդայականութիւն եւ այլ կրօններ դաւանող քաղաքացիներ:

«Թուրքիայի բանակն իսլամական բանա՞կ է։ Եթէ այո, ինչո՞ւ են քրիստոնեաները, հրեաները եւ այլ կրօններ դաւանողները ծառայում այդ բանակում», - հարցրել է հայազգի պատգամաւորը:

Ի պատասխան դրա Աքարը մէջբերել է Թուրքիայի սահմանադրութեան այն կէտը, ըստ որի Թուրքիայի քաղաքացի հանդիսացող եւ 20 տարեկանը լրացած իւրաքանչիւր տղամարդ ենթակայ է զինւորական ծառայութեան՝ առանց կրօնական խտրականութեան։

Փայլանը նաեւ նախարարի ուշադրութիւնն է հրաւիրել բանակում զինւորների՝ կասկածելի մահերի դէպքերին, որոնց մի մասի հիմքում, ըստ պատգամաւորի, ընկած են նաեւ կրօնական ու ազգային խտրականութեան դրսեւորումները: Հայազգի պատգամաւորը, մասնաւորապէս, յիշեցրել է 2011 թւականի ապրիլի 24-ին սպանւած հայազգի զինծառայող Սեւակ Բալըքչըի սպանութեան դէպքը, որի մեղաւորները չեն պատժւել մինչ օրս:

«Ձեր յիշատակած յանցանքն ապացուցող որեւէ տեղեկութիւն, ահազանգ կամ զեկոյց ներկայացւած չէ», - պատասխանել է նախարարը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։