Հա

Քաղաքական

12/01/2019 - 09:10

Մարիա Զախարովան յոյս է յայտնել, որ Ադրբեջանը վերջ կը դնի ՌԴ քաղաքացի հայերի նկատմամբ խտրական վերաբերմունքին

Ռուսաստանի ԱԳՆ խօսնակ Մարիա Զախարովան յոյս է յայտնել, որ Ադրբեջանը վերջ կը տայ ՌԴ քաղաքացի հայերի նկատմամբ խտրական վերաբերմունքին եւ չի արգելի նրանց մուտքն Ադրբեջան:

«alikonline.ir» - Ռուսաստանի ԱԳՆ խօսնակ Մարիա Զախարովան յոյս է յայտնել, որ Ադրբեջանը վերջ կը տայ ՌԴ քաղաքացի հայերի նկատմամբ խտրական վերաբերմունքին եւ չի արգելի նրանց մուտքն Ադրբեջան: Այս մասին, ինչպէս հաղորդում է «Արմէնպրես»-ը, յայտնում է «ՏԱՍՍ»-ը:

Գործակալութեան փոխանցմամբ՝ ճեպազրոյցի ժամանակ Մարիա Զախարովան, մասնաւորապէս, մատնանշել է սոցկայքերում արւած գրառումներում ադրբեջանական իշխանութիւնների կողմից էթնիկ ծագմամբ պայմանաւորւած ՌԴ քաղաքացիների նկատմամբ ցուցաբերւող խտրական վերաբերմունքը:

«Նախորդ տարւայ ընթացքում մենք տեղեկացել ենք առնւազն 16 դէպքի մասին, երբ էթնիկ ծագմամբ պայմանաւորւած՝ ՌԴ քաղաքացիներին արգելւել է մուտք գործել Ադրբեջան: Այդ քաղաքացիներին սպասեցրել են, ապա՝ առանց որեւէ պատճառաբանութեան, յետ ուղարկել ՌԴ»,- նշել է Զախարովան:

Զախարովան նշել է, որ ՌԴ իշխանութիւններն Ադրբեջանին բազմիցս յորդորել են վերջ տալ այդ պրակտիկային, քանի որ դրանք ռուս-ադրբեջանական յարաբերութիւնների տեսանկիւնից ընդունելի չեն:

«Ադրբեջանի իշխանութիւնները վստահեցրել են, որ կը շտկւի իրավիճակը, եւ մենք յոյս ունենք, որ դա տեղի կունենայ»,- յոյս է յայտնել ՌԴ ԱԳՆ խօսնակը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։