Հա

Քաղաքական

10/03/2019 - 08:20

ԵԱՀԿ ՄԽ. «ԼՂ խնդրի արդար ու տեւական կարգաւորումը պէտք է հիմնւած լինի Հելսինկեան եզրափակիչ ակտի սկզբունքների վրայ»

ԵԱՀԿ Մինսկի խմբի համանախագահներն երէկ՝ մարտի 9-ին յայտարարութիւն են տարածել Ադրբեջանի նախագահի եւ Հայաստանի վարչապետի հանդիպմանն ընդառաջ:

«alikonline.ir» - ԵԱՀԿ Մինսկի խմբի համանախագահներն երէկ՝ մարտի 9-ին յայտարարութիւն են տարածել Ադրբեջանի նախագահի եւ Հայաստանի վարչապետի հանդիպմանն ընդառաջ: Տեղեկացում է «Yerkir.am»-ը:

«Համանախագահները, սերտօրէն աշխատելով երկու արտաքին գործերի նախարարների հետ, նախապատրաստում են համանախագահների հովանու ներքոյ երկու ժողովուրդների առաջնորդների առաջին ուղիղ շփմամբ կարեւոր հանդիպումը:

Համանախագահները ընդգծում են արդիւնաւէտ քննարկումներին նպաստող միջավայրի պահպանութեան կարեւորութիւնը եւ շարունակում են դրական գնահատել զոհերի բացակայութիւնը ռազմաճակատներում: Համանախագահները ողջունում են նաեւ երկու կողմից բնակչութեանը խաղաղութեանը պատրաստելու համար ձեռնարկւող նախնական քայլերը եւ կողմերին խրախուսում են ակտիւացնել նման ջանքերը:

Համանախագահները միաժամանակ վերահաստատում են լարւածութեան թուլացման եւ ռազմատենչ հռետորաբանութեան նւազեցման կարեւորութիւնը: Համանախագահները կողմերին կոչ են անում ձեռնպահ մնալ յայտարարութիւններից եւ գործողութիւններից, որոնք էապէս կարող են փոխել իրավիճակը տեղում, նախապայմաններ են սահմանում ապագայ բանակցութիւնների համար, պահանջում ձեւաչափի միակողմանի փոփոխութիւն՝ առանց միւս կողմի համաձայնութեան, պարունակում  են ռազմական գործողութիւնները վերսկսելու պատրաստակամութիւն:

Անդրադառնալով վերջին շրջանում Մինսկի խմբի գործընթացի բովանդակութեան մասին հակասական հանրային յայտարարութիւններին՝ համանախագահները վերահաստատում են, որ արդար եւ տեւական կարգաւորումը պէտք է հիմնւի Հելսինկիի եզրափակիչ ակտի առանցքային սկզբունքների վրայ, մասնաւորապէս, ներառելով ուժի չգործածումը, տարածքային ամբողջականութիւնը եւ հաւասար իրաւունքներն ու ժողովուրդների ինքնորոշումը:

Այն պէտք է նաեւ ներառի լրացուցիչ տարրեր, որոնք 2009-2012 թթ. առաջարկւել են համանախագահ երկրների ղեկավարների կողմից, ներառեալ.

Լեռնային Ղարաբաղը շրջապատող տարածքների վերադարձը Ադրբեջանի վերահսկողութեան ներքոյ, Լեռնային Ղարաբաղի ժամանակաւոր կարգավիճակը՝ անվտանգութեան եւ ինքնակառավարման երաշխիքներով, Հայաստանը Լեռնային Ղարաբաղի հետ կապող միջանցքը, Լեռնային Ղարաբաղի վերջնական իրաւական կարգավիճակի ապագայ սահմանումը՝ իրաւական ուժ ունեցող կամարտայայտութեան միջոցով, բոլոր տեղահանւած անձանց եւ փախստականների վերադարձի իրաւունքը իրենց բնակութեան նախկին վայրեր, անվտանգութեան միջազգային երաշխիքները, որոնք ներառելու են խաղաղապահ գործողութիւն:

Յարակից լուրեր

  • Յայտարարութիւն ՀՅԴ Կեդրոնական Եւրոպայի կոմիտէի
    Յայտարարութիւն ՀՅԴ Կեդրոնական Եւրոպայի կոմիտէի

    Վերջին օրերուն դարձեալ դժնդակ պահեր կ'ապրի հայրենիքը եւ անոր հետ` ամբողջ հայութիւնը:

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Վերջին օրերին երկրում ընթացող զարգացումները եւ, յատկապէս, դատաիրաւական համակարգի վերաբերեալ վարչապետ Ն. Փաշինեանի մօտեցումները կրկին մեր հանրային-պետական կեանքի ալեկոծման պատճառ են դարձել։ Այս կապակցութեամբ հարկ ենք համարում կատարել հետեւեալ արձանագրումները.

  • ՀՅԴ Հայաստանի ԳՄ յայտարարութիւնը
    ՀՅԴ Հայաստանի ԳՄ յայտարարութիւնը

    Ընդամենը մէկ օր առաջ ՀՅԴ Հայաստանի Գերագոյն մարմինը հանդէս եկաւ քաղաքական յայտարարութեամբ՝ արձանագրելով, որ վերջին շրջանում ահագնացած ատելութեան խօսքը, փողոցային արդարադատութեան մերժելի դրսեւորումները, հանրութեանը բաժանարարներով թշմանացնելն ու երկրում անհանդուրժողականութեան մթնոլորտի շիկացումը խաթարում են Հայաստանում ժողովրդավարական եւ պետական ինստիտուտների կայացմանը եւ լրջագոյն սպառնալիք են երկրի առջեւ ծառացած արտաքին եւ ներքին մարտահրաւէրների լուծմանը։

  • ՀՀ նախագահի յայտարարութիւնը` ստեղծւած իրավիճակի վերաբերեալ
    ՀՀ նախագահի յայտարարութիւնը` ստեղծւած իրավիճակի վերաբերեալ

    Հայաստանի ներքաղաքական իրավիճակի կապակցութեամբ ՀՀ նախագահ Արմէն Սարգասեանը հանդէս է եկել յայտարարութեամբ:

  • ՀՅԴ Բիւրոյի յայտարարութիւնը
    ՀՅԴ Բիւրոյի յայտարարութիւնը

    Ամիսներ շարունակ Դաշնակցութիւնն ահազանգում էր, որ երկրում սերմանւող ու խրախուսւող քաղաքական անհանդուրժողականութիւնն անխուսափելիօրէն յանգեցնելու է պառակտումների ու ատելութեան։ Ցաւօք, դա այլեւս իրողութիւն է։ Ժողովրդի տարբեր հատւածներին իրար դեմ լարելու, հասարակութիւնը «սեւերի» ու «սպիտակների», իւրայինների ու թշնամիների բաժանելու իշխանութիւնների քաղաքականութիւնն արդէն գործնական դրսեւորումներ է ստանում։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։