Հա

Քաղաքական

10/04/2019 - 12:40

Իսրայէլի խորհրդարանական ընտրութիւններ. BB-ն կը շարունակի պաշտօնավարել

Իսրայէլում արդէն հաշւարկել են երէկ՝ ապրիլի 9-ին կայացած խորհրդարանական ընտրութիւնների քւէաթերթիկների աւելի քան 97%-ը:

«alikonline.ir» - Իսրայէլում արդէն հաշւարկել են երէկ՝ ապրիլի 9-ին կայացած խորհրդարանական ընտրութիւնների քւէաթերթիկների աւելի քան 97%-ը: Տեղեկացնում է «BBC»-ն:

Հրապարակւած տւեալները վկայում են այն մասին, որ գործող վարչապետ Բենիամին Նեթանեահուի գլխաւորած աջակողմեան «Լիկուդ» կուսակցութիւնը եւ Բինի Հանցի գլխաւորած կենտորոնամէտ «Կախոլ-Լաւան» (Սպիտակ եւ կապոյտ) ընդդիմադիր դաշինքը խորհրդարանում ստացել են հաւասար ՝ 35-ական մանդատ, սակայն Նեթանեահուին, որին Իսրայէլում BB են անւանում, յաջողւել է աջակողմեան կուսակցութիւնների հետ միասին ապահովել Քնեսեթի 120 տեղերից 65-ը, ձեւաւորելով մեծամասնութիւն:

Նեթանեահուն յայտարարել է, որ աջակողմեան՝ նոր կառավարութիւն կը ձեւաւորի, սակայն վարչապետ կըլինի բոլորի համար. «Դա կը լինի աջակողմեան կառավարութիւն: Սակայն ես մտադիր են լինել վարչապետ ամբողջ Իսրայէլի համար, աջերի եւ ձախերի, հրեաների եւ ոչ հրեաների»,- ասել է նա:

Այս յաղթանակը չափազանց կարեւոր է Նեթանեահուհի համար, որին Իսրայէլի գլխաւոր դատախազ Աւիչայ Մանդելբլիթը փետրւարին հարցաքննել էր կաշառք ստանալու գործի շրջանակում: Փորձագէտների կարծիքով՝ յաղթանակը BB-ին հնարաւորութիւն կը տայ նոր ուժով դիմակայելու մեղադրանքին:

Յատկանշական է նաեւ այն փաստը, որ կառավարութեան ձեւաւորման դէպքում, Նեթանեահուն կը դառնայ Իսրայէլի պատմութեան մէջ ամենաերկարակեաց վարչապետը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։