Հա

Քաղաքական

25/04/2019 - 11:50

«1915 թ. Ապրիլի 24-ին սկսւած Մեծ Եղեռնն այլ բան չէր, քան ծրագրւած Ցեղասպանութիւն էթնիկ եւ կրօնական հողի վրայ». Թուրքիայի քրդամէտ կուսակցութիւն

Թուրքիայի ընդդիմադիր քրդամէտ Ժողովուրդների դեմոկրատական կուսակցութիւնը (HDP-ԺՀԿ) Հայոց Ցեղասպանութեան 104-րդ տարելիցի կապակցութեամբ գրաւոր յայտարարութիւն է տարածել:

«alikonline.ir» - Թուրքիայի ընդդիմադիր քրդամէտ Ժողովուրդների դեմոկրատական կուսակցութիւնը (HDP-ԺՀԿ) Հայոց Ցեղասպանութեան 104-րդ տարելիցի կապակցութեամբ գրաւոր յայտարարութիւն է տարածել:

HDP-ի յայտարարութեան մէջ նշւել է, որ իրենք կիսում են 104 տարւայ ցաւը եւ յարգանքով յիշում զոհւածներին: Նաեւ շեշտւել է, որ 1915-ին կատարւածը ծրագրւած ցեղասպանութիւն էր:

«1915 թ. Ապրիլի 24-ին սկսւած Մեծ Եղեռնից, որը այլ բան չէր, քան ծրագրւած ցեղասպանութիւն էթնիկ եւ կրօնական հողի վրայ, արդէն անցել է 104 տարի: Գործընթացը սկսւեց 200-ից աւել հայ մտաւորականներին տներից հանելով եւ մահւան ուղարկելով, շարունակւեց 100 հազարաւոր հայերի աքսորով ու մեծամասնութեան համակարգւած սպանութեամբ»,- նշւել է յայտարարութիւնում:|

Քրդամէտ կուսակցութիւնն ընդգծել է, որ այսօր էլ շարունակվում է այն նպատակադրւած քաղաքականութիւնը, որը միտւած է բազմազանութիւնը ջնջելուն եւ միատարր հասարակութիւն ստեղծելուն, «մէկ ազգ, մէկ կրօն եւ մէկ լեզու» գաղափարը գերակայ դարձնելուն, այս տարածքներում տարբեր ժողովուրդների եւ դաւանանքների գոյութիւնը մոռացութեան մատնելուն: Դեռեւս համընդհանուր կերպով չի ընդունւել, որ որեւէ էթնիկ խումբ, լեզու, մշակոյթ կամ կրօն միւսների նկատմամբ չունի առաւելութիւն:

Յայտարարութեան մէջ կարեւորւել է յանուն համատեղ ապագայի, ինչպէս նաեւ միմեանց հասկանալու եւ վերքերը ազնիւ մօտեցմամբ ամոքելու համար մարդկութեան դէմ յանցագործութիւնների դատապարտումը եւ պատմական իրողութիւնների հետ առերեսումը, տուժած ժողովուրդներից  ներողութիւն խնդրելը եւ արդարադատութեան միջոցներին դիմելը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։