Հա

Քաղաքական

13/05/2019 - 12:10

Մոգերինի. «Կը շարունակենք համընդհանուր քաղաքական կամքով պաշտպանել Միջուկային համապարփակ համաձայնագիրը»

ԵՄ-ի արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինին ընդգծել է որ՝ ԵՄ-ն շարունակելու է պաշտպանել Միջուկային համապարփակ համաձայնագիրը:

«alikonline.ir» - ԵՄ-ի արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինին ընդգծել է որ՝ ԵՄ-ն շարունակելու է պաշտպանել Միջուկային համապարփակ համաձայնագիրը: Այս մասին ինչպէս տեղեկացնում է ԻՌՆԱ գործակալութիւնն՝ յայտարարել է Մոգերինին Բրիտանիայի, Ֆրանսիայի, Գերմանիայի ԱԳՆ ղեկավարների հետ հանդիպումից առաջ յաւելելով, որ՝ կը խուսափենք իրավիճակի վատթարացումից:

Յիշեցնենք, որ Բրիտանիայի, Ֆրանսիայի եւ Գերմանիայի ԱԳՆ ղեկավարները եւ ԵՄ ներկայացուցիչը այսօր կը քննարկեն Իրանի միջուկային համապարփակ համաձայնագրի հարցը:

Յիշեցնենք, որ մայիսի 8-ին Նախագահ Ռոհանին պաշտօնապէս յայտարարեց Միջուկային համապարփակ համաձայնագրով ստանձնած Իրանի պարտաւորութիւնների նւազեցման մասին:

Աւելի ուշ ԱԳ Նախարար Մոհամմադ Ջաւադ Զարիֆն էլ յայտարարեց որ. «Իրանի գործողութիւններն ամբողջովին տեղաւորւում են համաձայնագրի շրջանակում: Սա համաձայնագրի միւս կողմերին հնարաւորութիւն է ընձեռում անհրաժեշտ քայլեր ձեռնարկել, այլ ոչ թէ պարզապէս հանդէս գալ յայտարարութեամբ»,- ասել է նա՝ յաւելելով, որ համաձայնագրի 26-րդ եւ 36-րդ կէտերը Իրանին եւ միւս երկրներին հնարաւորութիւն են տալիս, մասամբ կամ ամբողջովին չկատարել ստանձանծ պարտաւորութիւնները, եթէ միւս կողմը չի կատարում իր պարտաւորութիւնները»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։