Հա

Քաղաքական

14/05/2019 - 08:40

Բրիւսէլում Փաշինեանն ու Ալիեւը շատ կարճ զրոյց են ունեցել ընթացիկ իրավիճակի մասին

Բրիւսէլում Եւրոմիութեան Արեւելեան գործընկերութեան 10-ամեակի միջոցառումների ժամանակ Հայաստանի վարչապետ Նիկոլ Փաշինեանը եւ Ադրբեջանի նախագահ Իլհամ Ալիեւը կարճ զրուցել են։

«alikonline.ir» - Բրիւսէլում Եւրոմիութեան Արեւելեան գործընկերութեան 10-ամեակի միջոցառումների ժամանակ Հայաստանի վարչապետ Նիկոլ Փաշինեանը եւ Ադրբեջանի նախագահ Իլհամ Ալիեւը կարճ զրուցել են։ Այդ մասին ըստ «News.am»-ի՝ «Ազատութիւն» ռադիոյին ասել է Նիկոլ Փաշինեանը:

«Հնարաւոր չէ լուծել որեւէ հակամարտութիւն՝ կենտրոնանալով միայն ներգրաււած կողմերից մէկի հետաքրքրութիւնների վրայ, որովհետեւ կարծում եմ, որ ԼՂ հակամարտութեան կարգաւորման ամենակարեւոր խոչընդոտը Ադրբեջանի դիրքորոշումն է՝ չերկխօսել Ղարաբաղի հետ։ Ճշմարտութիւնն այն է, որ այս հակամարտութիւնը երեք կողմ ունի՝ Ադրբեջան, Լեռնային Ղարաբաղ եւ Հայաստան։ Մենք կարծում ենք, որ շատ կարեւոր է ունենալ բանակցային պատշաճ շրջանակ, որպէսզի հնարաւոր լինի լուծել այս հակամարտութիւնը»,- ասել է Փաշինեանը։

Լրագրողի հարցին, թէ այսօր խօսեցի՞ք Ադրբեջանի նախագահի հետ, պատասխանել է․ «Այո, մի փոքր։ Շատ կարճ զրոյց էր ընթացիկ իրավիճակի մասին»։

Հարցին՝ երբ էք նորից հանդիպելու, Փաշինեանը նշել է, որ դեռ ծրագրեր չկան, բայց վստահ է, որ բանակցութիւնները շարունակւելու են․ «Շատ կարեւոր է, որ Լեռնային Ղարաբաղը վերադառնայ բանակցային սեղանի շուրջ, դա շատ կարեւոր է։ Առանց Լեռնային Ղարաբաղի՝ հնարաւոր չէ ունենալ հարցի իրական կարգաւորում»,- ասել է Նիկոլ Փաշինեանը։

Յիշեցնենք, որ Հայաստանի վարչապետը  Բրիւսէլում մասնակցել է Եւրոխորհրդի նախագահ Դոնալդ Տուսկի անունից տրւած ճաշին, որին հրաւիրւած էր նաեւ Ադրբեջանի նախագահը:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։