Հա

Քաղաքական

18/05/2019 - 09:10

«Մենք պաշտպանում ենք Իրանի օրինական իրաւունքը». Չինաստանի ԱԳ նախարարը՝ Զարիֆի հետ հանդիպման ժամանակ

Չինաստանը կտրականապէս դէմ է ԱՄՆ-ի միակողմանի պատժամիջոցներին, հասկանում է իրանական կողմի պայմաններն ու մտահոգութիւնները եւ պաշտպանում է Իրանի օրինական շահերը: Այս մասին, երէկ՝ մայիսի 17-ին Պեկինում ԱԳ նախարար Մոհամմադ Ջաւադ Զարիֆի հետ հանդիպման ժամանակ ասել է Չինաստանի ԱԳ նախարար Վանգ Ին:

«alikonline.ir» - Չինաստանը կտրականապէս դէմ է ԱՄՆ-ի միակողմանի պատժամիջոցներին, հասկանում է իրանական կողմի պայմաններն ու մտահոգութիւնները եւ պաշտպանում է Իրանի օրինական շահերը: Այս մասին, երէկ՝ մայիսի 17-ին Պեկինում ԱԳ նախարար Մոհամմադ Ջաւադ Զարիֆի հետ հանդիպման ժամանակ ասել է Չինաստանի ԱԳ նախարար Վանգ Ին: Հաղորդում է ԻՌՆԱ-ն: 

Անդրադառնալով Միջուկային համապարփակ համաձայնագրին, Չինաստանի ԱԳՆ ղեկավարը նշել է, որ այն պաշտպանում է ՄԱԿ-ի հեղինակութիւնն ու միջազգային սկզբունքները եւ նորմերը:

«Միջուկային գործարքի հետ կապւած վէճերն ու տարակարծութիւնները, միակողմանիութեան ու բազմակողմանիութեան յստակ նշան են, եւ ներկայացնում են պատմական փոխակերպում»,- ասել է Վանգ Ին՝ բարձր գնահատելով Իրանի՝ Միջուկային գործարքով ստանձնած պարտաւորութիւնների ամբողջական իրագործումը: Նա նշել է, որ նման գործելաոճով Թեհրանը փաստել է, որ ցանկութիւն չունի դուրս գալու գործարքից:

Չինաստանի արտաքին քաղաքական գերատեսչութեան ղեկավարը նշել է, որ պաշտօնական Պեկինը պատրաստ է համագործակցելու Իրանի հետ, միակողմանիութեան եւ միջամտողականութեան դէմ պայքարում, ստեղծւած պայմանները յաղթահարելու եւ Միջուկային համապարփակ համաձայնագիրը պահպանելու համար: 

Հանդիպմանը կողմերը քննարկել են երկկողմ յարաբերութիւնների հետ կապւած հարցեր, անդրադարձ են կատարել միջազգային եւ տարածաշրջանային հիմնախնդիրներին, այդ թւում՝ Սիրիայի, Աֆղանստանի եւ Արեւմտեան Ասիայի իրավիճակին: 

Նշենք, որ Իրանի արտաքին քաղաքական գերատեսչութեան ղեկավարը Պեկին էր մեկնել Տոկիոյից: Նա եղել է նաեւ Նիւ Դելիում: Այցերի ընթացքում Զարիֆը ներկայացրել է Իրանի՝ Միջուկային գործարքով նախատեսւած որոշ գործողութիւնների ժամանակաւոր սառեցման որոշումից յետոյ, Թեհրանի դիրքորոշումները:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։