Հա

Քաղաքական

18/09/2019 - 14:20

Իսրայէլի խորհրդարանական ընտրութիւններ. անորոշութիւնը շարունակւում է

Իսրայէլում, ապրիլի 9-ին խորհրդարանական ընտրութիւնների պէս, երէկ՝ սեպտեմբերի 17-ին կայացած կրկնակի ընտրութիւնները եւս յստակ յաղթող չեն ունեցել:

«alikonline.ir» - Իսրայէլում, ապրիլի 9-ին խորհրդարանական ընտրութիւնների պէս, երէկ՝ սեպտեմբերի 17-ին կայացած կրկնակի ընտրութիւնները եւս յստակ յաղթող չեն ունեցել:

Գործող վարչապետ Բենիամաին Նեթանեահուին եւ ընդդիմութեան առաջնորդ Բենի Հանցին չի յաջողւել լուրջ առաւելութիւն գրանցել մրցակցի նկատմամաբ:

Նորակազմ Քնեսետում Բենիամաին Նեթանեահուի գլխաւորած իշխող՝ «Լիկուդ» աջակողմեան կուսակցութիւնը կունենայ 32 մանդատ: Նոյնքան մանդատ էլ բաժին կը հասնի Բենի Հանցի գլխաւորած «Կախոլ-Լաւան» (Սպիտակ եւ կապոյտ) ընդդիմադիր կենտորնամէտ դաշինքին: Աւիգդոր Լիբերմանի գլխաւորած «Մեր տունն Իսրայէլն է» կուսակցութիւնը կը ստանայ 9 մանդատ: Նոյնքան մանդատ կը ստանայ նաեւ աջ-ծայարյեղական «Շաս» կուսակցութիւնը:

Անակնկալ յաջողութիւն է գրանցել Իսրայէլի արաբ քաղաքացիների շահերը ներկայացնող, «Արաբական ընդհանուր ցուցակ» դաշինքը, որն նորընտիր Քնեսետում կունենայ 12 մանդատ: Փոխարէն շարունակւում է ժամանակին Իսրայէլի ամենաազդեցիկ եւ  հեղինակաւոր՝ «Լէյբորիստական» կուսակցութեան անկումը: «Լէյբորիստ-Գեշէր» դաշինքը նոր խորհրդարանում կունենայ ընդամենը 6 մանդատ: Մնացեալ 20 մանդատները բաժին կը հասնեն երեք այլ կուսակցութիւնների:

Թէեւ Բենի Հանցը եւ Աւիգդոր Լիբերմանը կոչ են արել ձեւաւորել «ազգային միասնութեան» կառավարութիւն, իսկ Բենիամին Նեթանեահուն էլ յայտարարել է, որ մօտ օրերս կը սկսի «ուժեղ սիոնիստական կառավարուիւն» ձեւաւորելու նպատակով բանակցութիւնները, այդուհանդերձ, գրանցւած արդիւնքները վկայում են այն մասին, որ Իսրայէլում քաղաքական անորոշութիւնն ու կառավարական փակուղին կարող է շարունակւել:

Նախնական հաշւարկներով, աջ եւ կրօնական կուսակցութիւնների դաշինքը, որոնց վրայ մտադիր է յենւել Բենիամին Նաթանեահուն, ստանում է  խորհրդարանի 120 տեղից 54-ից մինչեւ 56 տեղ, մինչդեռ կոալիցիա կազմելու համար անհրաժեշտ է առնւազն 61 աթոռ: Իսկ սա նշանակում է, որ խորհրդարանական մեծամասնութիւն ձեւաւորելու համար Նեթանեահուին անհրաժեշտ է լինելու Աւիգդոր Լիբերմանի աջակցութիւնը:

Յիշեցնենք, որ սկանդալային եւ պոպոլիստ այս երկու քաղաքական գործիչների համագործակցութիւնը չստացւեց դեռեւս ապրիլի 9-ին կայացած ընտրութիւնների արդիւնքու, որի պատճառով էլ Նեթանեահուին չյաջողւեց կոլաիցիոն կառավարութիւն ձեւաւորել, իսկ առանցքային հարցերի շուրջ նրանց տարաձայնութիւնը շարունակում է մնալ նոյնը:

Կոալիցիոն կառավարութեան ձեւաւորման խնդիրն առաւել բարդ, եւ գրեթէ անհնար է թւում Բենի Հանցի համար: Նրա գլխաւորած «Կախոլ-Լաւան» դաշինքը, ձախ կուսակցութիւնների հետ մէկտեղ, նոյնիսկ Լիբերմանի պաշտպանութեամբ Քնեսետում կը կարողանան վերահսկել սոսկ 52 տեղ, իսկ դժւար թէ նրան յաջողւի համաձայնութեան գալ խորհրդարան մուտք գործած աջակողմեան եւ կրօնական միւս կուսակցութիւնների հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։