Հա

Քաղաքական

ԱՄՆ-ի սենատի Միջազգային յարաբերութիւնների յանձնաժողովը կողմ է քւէարկել նախագծին, որով Սիրիայում ռազմական միջամտութիւն է նախատեսւում,- հաղորդել է «Ռոյտերզ»-ը: 10 սենատորներ կողմ են քւէարկել ծրագրին, իսկ յանձնաժողովի 7 անդամներ դէմ են եղել:

Published in Քաղաքական

Սիրիայում բռնութեան աճը կարող է յանգեցնել ցեղասպանութեան: Ինչպէս հաղորդել է «BBC»-ն, նման յայտարարութեամբ հանդէս է եկել Սիրիայում ՄԱԿ-ի յատուկ բանագնացի գրասենեակի ղեկավար Մուխթար Լամանին: Վերջինս նշել է, որ Սիրիայում հասարակական իրավիճակը մօտ է աղէտալի լինելուն, սակայն առաւել մտահոգիչ է սուննիների, ալեւիների եւ քրիստոնեաների միջեւ կրօնական հիմքի վրայ բռնութեան աճը:

Published in Քաղաքական

Ռուսաստանի նախագահ Վլադիմիր Պուտինը պրովոկացիա (անհիմն մեղադրանք) է համարել այն դիրքորոշումը, որի համաձայն՝ Սիրիայում քիմիական զէնք կիրառելու պատասխանատւութիւնը կրում են սիրիական իշխանութիւնները: Նրա ասութեամբ՝ Ռուսաստանը դատապարտում է քիմիական զէնք կիրառելու հաւանականութիւնը եւ անհրաժեշտութեան դէպքում՝ հակազդեցութեան կոնսոլիդացւած (միասնական) որոշում կը կայացնի:

Published in Քաղաքական

«Մեհր» լրատւական գործակալութեան համաձայն՝ Իրանի արտգործնախարարութեան նորանշանակ խօսնակ Մարզիէ Աֆխամը շաբաթական մամուլի ասուլիսի ընթացքում նշել է, որ Սիրիայի դէմ ռազմական հաւանական որեւէ քայլ տարածւելու է Միջին Արեւելքով մէկ եւ աւելացրել է. «Իրանը համոզւած է, որ բոլոր քայլերի ու յայտարարութիւնների նպատակը պէտք է լինի ճգնաժամի տարածման կանխումը, ինչը կը նպաստի տարածաշրջանը չներքաշելու այնպիսի վիճակի, որի համար չի կարելի որեւէ աւարտ պատկերացնել»:

Published in Քաղաքական

ԱՄՆ-ի պետքարտուղար Ջան Քերին յայտարարել է, որ Սիրիական հարցի վերաբերեալ Կոնգրեսի որոշումը չպէտք է բացառի ցամաքային գործողութիւնների հնարաւորութիւնը,- հաղորդել է «Ռոյտերզ»-ը: Նման յայտարարութիւնը պետքարտուղարը կատարել է ԱՄՆ-ի սենատի լսումների ժամանակ: Սակայն, Քերին նշել է, որ ԱՄՆ-ի նախագահ Բարաք Օբաման մտադիր չէ զօրքեր մտցնել Սիրիայի տարածք՝ այդ կերպ միջամտելով քաղաքացիական պատերազմին:

Published in Քաղաքական

Թուրքիայի գլխաւոր ընդդիմադիր ուժի առաջնորդ, Ժողովրդա-հանրապետական կուսակցութեան ղեկավար Քեմալ Քըլըչդարօղլուն, Աֆիոն-Գարահիսար նահանգում հանդիպում է ունեցել համերկրացիների հետ, որի ժամանակ անդրադարձել է ներքաղաքական ու արտաքին քաղաքական մի շարք հարցերի: «ermenihaber.am» լրատւական կայքը յայտնել է, որ ընդդիմադիր կուսակցապետը ուղիղ եթերով թողարկւող հաղորդման ժամանակ լաց լինելու համար քննադատել է Թուքրիայի վարչապետ Ռեջեբ Թայիբ Էրդողանին:

Published in Քաղաքական

Իրանի արտգործնախարարը անդրադառնալով օրերս ԱՄՆ-ի նախագահ Բարաք Օբամայի՝ Սիրիայի դէմ ռազմական յարձակում գործելու համար թոյլտւութիւն ստանալու վերաբերեալ Կոնգրեսին ուղղւած կոչին՝ մասնաւորապէս նշել է. «ԱՄՆ-ի կոնգրեսը չի կարող Սիրիայի վրայ ռազմական յարձակում գործելու թոյլտւութիւն տալ: Ռազմական յարձակումը միջազգային իրաւունքի տեսակէտից արգելւած է: Միայն ՄԱԿ-ի Անվտանգութեան խորհուրդը իրաւունք ունի որոշակի հանգամանքներում ռազմական յարձակում գործելու իրաւունք տալ»:

Published in Քաղաքական

Սիրիայի նախագահ Բաշշար Ասադը յայտարարել է, որ քիմիական զէնքի օգտագործման վերաբերեալ Դամասկոսին ուղղւած մեղադրանքները ապացոյցներ չունեն եւ տրամաբանական չեն: Ինչպէս հաղորդել է «Արմէնպրես»-ը, այս մասին Սիրիայի նախագահը յայտարարել է ֆրանսիական «Le Figaro» թերթի հետ հարցազրոյցում: «Նման մեղադրանքներ ներկայացնողները պէտք է կարողանան նաեւ ապացոյցներ ներկայացնել:Պարոնայք Օբաման եւ Օլանդը դա չկարողացան անել, այդ թւում նաեւ իրենց ժողովուրդների առաջ»,- շեշտել է Բաշշար Ասադը:

Published in Քաղաքական

Ինչպէս հաղորդել է «Արմէնպրես»-ը, վկայակոչելով «Ինտերֆաքս»-ը, ԵԽԽՎ-ի հերթական բիւրոյի ընթացքում, որի աշխատանքներն աւարտւել են երկուշաբթի, Խրւաթիայում, առաջարկը ղեկավարութեան մեծամասնութեան կողմից հաւանութեան է արժանացել: ԵԽԽՎ-ի կուսակցական խմբերի կողմից համապատասխան ուսումնասիրութիւն իրականացնելուց յետոյ՝ հարցը կարող է յայտնւել նստաշրջանի օրակարգում:

Published in Քաղաքական

Լեռնային Ղարաբաղի Հանրապետութեան արտգործնախարարութիւնը մտահոգութիւն է յայտնել այն փաստի կապակցութեամբ, որ Ադրբեջանը փորձում է իր քաղաքական նպատակներին ծառայեցնել համաշխարհային հանրութեան ուշադրութեան կենտրոնում գտնւող սիրիական հակամարտութիւնը, մասնաւորապէս, սիրիահայերի ճակատագիրը, որոնք, ի թիւս Սիրիան լքող փախստականների, ստիպւած են ապաստան փնտրել աշխարհի տարբեր մասերում:

Published in Քաղաքական

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։