Հա

Քաղաքական

10/03/2012 - 11:25

altalt«Panorama.am»- Իրանը Նախիջեւանի նկատմամբ պէտք է վերանայի իր քաղաքականութիւնը:

Այդ մասին իրանական «Արաննիւզ.իռ» կայքի հաղորդմամբ՝ յայտարարել է Իրանի խորհրդարանի Ազգային անվտանգութեան եւ արտաքին քաղաքականութեան հարցերով յանձնաժողովի փոխնախագահ Հոսէյն Էբրահիմին:

Համաձայն տեղեկատւութեան՝ իրանցի խորհրդարանականը, անդրադառնալով Իսրայէլի եւ Ադրբեջանի միջեւ վերջերս կնքւած ռազմական համագործակցութեան մասին պայմանագրին, մասնաւորապէս, ընդգծել է. «Սա Բաքւի եւ Թել Աւիւի միջեւ կնքւած միակ պայմանագիրը չէ, աւելին՝ այդ համատեքստում Ադրբեջանը վերածւել է Իրանի Իսլամական Հանրապետութեան թշնամիների կենտրոնի»:
Շարունակելով թեման՝ Հոսէյն Էբրահիմին նախազգուշացրել է, որ եթէ Ադրբեջանը շարունակի ներկայում իրականացւող իր քաղաքականութիւնը, ապա Իրանը դրանք չէզոքացնելու համար՝ կօգտագործի բոլոր հնարաւոր միջոցները:
Յիշեցնենք, որ օրերս իրանական «Մեհր» լրատւական գործակալութիւնը յղում կատարելով ամերիկեան «Վաշինգտոն փոստ» պարբերականին՝ տեղեկացրեց, որ Իսրայէլն Ադրբեջանին 1.6 միլիարդ դոլարի ժամանակակից զինտեխնիկա կը տրամադրի:
Յաւելենք, որ իրանական «Ֆարս» լրատւական գործակալութիւնը, օրերս անդրադառնալով նախիջեւանեան թեմային եւ Ադրբեջանի իշխանութիւնների վարած հակաիրանական քաղաքականութեանը, գրել էր. «20 տարի առաջ, երբ Լեռնային Ղարաբաղի շուրջ Հայաստանի եւ Ադրբեջանի միջեւ ծագած հակամարտութեան հետեւանքով՝ Ադրբեջանի կապն ընդհատւեց Նախիջեւանից, Իրանի տարածքով օրական հարիւրաւոր բեռնատարներ եւ հանրակառքեր են շարժւում դէպի Նախիջեւան, ինչի արդիւնքում էլ՝ այդ տարածքը զերծ է մնում հումանիտար աղէտից»:

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։