Հա

Քաղաքական

Երկուշաբթի, 08 Օգոստոսի 2016 11:50

Իրանի կառավարութիւնը նաւթային պայմանագրերի կնքման նպաստաւոր կանոններ է մշակել օտարերկրեայ ընկերութիւնների համար

Իրանի կառավարութիւնը օգոստոսի 3-ին նախագահ Հասան Ռոհանիի ղեկավարութեամբ կայացած նիստում հաւանութիւն է տւել նաւթային պայմանագրերի կնքման նոր կանոնների նախագծին: Այդ մասին, ինչպէս տեղեկացնում է «Արմէնպրես»-ը, յայտնել է ԻՌՆԱ իրանական լրատւական գործակալութիւնը:

«armenpress.am» - Իրանի կառավարութիւնը օգոստոսի 3-ին նախագահ Հասան Ռոհանիի ղեկավարութեամբ կայացած նիստում հաւանութիւն է տւել նաւթային պայմանագրերի կնքման նոր կանոնների նախագծին: Այդ մասին, ինչպէս տեղեկացնում է «Արմէնպրես»-ը, յայտնել է ԻՌՆԱ իրանական լրատւական գործակալութիւնը:
«Նաւթի եւ գազի պայմանագրերի ընդհանուր պայմանների, սկզբունքների եւ ձեւերի մասին» անւանումը կրող փաստաթուղթը մշակւել եւ կառավարութեան քննարկմանն է ներկայացւել Իսլամական Հանրապետութեան Նաւթի նախարարութեան կողմից: Ըստ ԻՌՆԱ-ի տւեալների՝ նոր կանոններն արմատապէս տարբերւում են նախկին նորմատիւային ակտերից, որոնք կանոնակարգում էին պայմանագրերի կնքումը նաւթի եւ գազի արդիւնահանման բնագաւառում:
Աւելի վաղ Իրանի նաւթի նախարար Բիժան Նամդար Զանգանէն յայտնել էր, որ իր գերատեսչութեան կողմից պատրաստւած նախագիծը երկրի նաւթի եւ գազի հանքավայրերի իւրացման յայտամրցոյթների յայտարարման պայմանների փոփոխութիւն է նախատեսում օտարերկրեայ ընկերութիւնների համար: «Այդ պայմանները կը նպաստեն Իրանի նկատմամբ անվստահութեան վերացմանը եւ երկրում օտարերկրեայ ներդրումների ներգրաւմանը»,- ընդգծել է նախարարը, հաղորդել է «ՏԱՍՍ»-ը:

Յարակից Հրապարակումներ

Ամենաշատ ընթերցւած

Քւէարկութիւն

Սարգսեան-Ալիեւ վերջին հանդիպման արդիւնքում կը գրանցւի՞ արդեօք առաջընթաց ԼՂ հակամարտութեան կարգաւորման գործում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։