Հա

Քաղաքական

Կիրակի, 04 Սեպտեմբերի 2016 12:20

Սեպտ. 10-ից Բուշեհրում մեկնարկելու է երկու նոր ատոմակայանների կառուցման աշխատանքները

Իրանի Հանրապետութեան նախագահի տեղակալ եւ Իրանի Ատոմական կազմակերպութեան նախագահ՝ Ալի Աքբար Սալեհին ասել է. «Սեպտ. 10-ից Բուշեհրում մեկնարկելու է երկու նոր ատոմակայանների կառուցման աշխատանքները: Կառուցման համար նախատեսւում է 10 տարի»:

«ԱԼԻՔ» - Իրանի Հանրապետութեան նախագահի տեղակալ եւ Իրանի Ատոմական կազմակերպութեան նախագահ՝ Ալի Աքբար Սալեհին ասել է. «Սեպտ. 10-ից Բուշեհրում մեկնարկելու է երկու նոր ատոմակայանների կառուցման աշխատանքները: Կառուցման համար նախատեսւում է 10 տարի»:
Դոկտ. Սալեհին Ղազւինում հեռուստատեսային հաղորդման ընթացքում ընդգծել է. «Յիշեալ ատոմակայանի կառուցումով տարեկան 22 միլիոն տակառով խնայւելու է Իրանի նաւթը»:
Նա ընդգծել է, որ յիշեալ երկու ատոմակայաններում 10 միլիարդ դոլարի ներդրումներ են իրականացւելու:
Իրանի Ատոմական կազմակերպութեան նախագահը նշել է, որ յիշեալ երկու ատոմակայանի կառուցմանը գործակցելու են ռուսները եւ աւելացրել է. «Ռուս գործընկերների հետ կնքւած համաձայնագրում ընդգծւել է ներքին արդիւնաբերական կարողականութեան օգտագործումը»:
Սալեհին անդրադառնալով էներգետիկայի բնագաւառում երկրի կարողականութիւններին, ասել է. «Էներգետիկայի, արդիւնաբերութեան, գիւղատնտեսութեան ու բժշկութեան յարակից բնագաւառներում երկրի կարիքները եւ հանրութեան շահերը նկատի առնելով, առաջիկայ 10 տարիներին ատոմական արդիւնաբերութեանը իւրայատուկ վարկեր է յատկացւելու»:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։