Հա

Քաղաքական

07/03/2017

Սպորտի նախարարը հանդիպել է Իրանում ՀՀ դեսպանի հետ

Իրանի սպորտի եւ երիտասարդութեան հարցերով նախարար Մասուդ Սոլթանիֆարը երէկ՝ մարտի 7-ին հանդիպել է Իրանում ՀՀ արտակարգ եւ լիազօր դեսպան Արտաշէս Թումանեանի հետ:

«alikonline.ir» - Իրանի սպորտի եւ երիտասարդութեան հարցերով նախարար Մասուդ Սոլթանիֆարը երէկ՝ մարտի 7-ին հանդիպել է Իրանում ՀՀ արտակարգ եւ լիազօր դեսպան Արտաշէս Թումանեանի հետ: Այս մասին տեղեկացնում է ԻՌՆԱ-ն:

Հանդիպման ընթացքում նա նշել է, որ հաշւի առնելով երկու երկրների միջեւ առկայ պատմական համտեղութիւններն ու յարաբերութիւնները, Իրանը ձգտում է ընդլայնել իր համագործակցութիւնը Հայաստանի հետ:

«Երկու երկրների տնտեսական եւ մշակութային յարաբերութիւններն ընդլայնւում են, եւ թւում է, թէ առկայ է անհրաժեշտ ներուժ՝ այլ ասպարէզներում եւս ընդլայնելու երկկողմ յարաբերութիւնները»,- ասել է նախարարը՝ յաւելելով, որ երկու երկրների միջեւ փոխգործակցութեան փաստաթղթերի վաւերականութեան ժամկէտը երկարաձգւել է, ինչը կարող է նպաստել Թեհրան-Երեւան յարաբերութիւնների ընդլայնմանը:

Սպորտի եւ երիտասարդութեան հարցերով նախարարն առաջրկել է, որ 2017 թւականի ընթացքում, տարբեր մարզաձեւերում, երկու երկրների թիմերի միջեւ կազմակերպւեն ընկերական հանդիպումներ:

Անդրադառնալով տարածաշրջանի որոշ երկրներում բռնութեան տարածմանը, Սոլթանիֆարը կարծիք է յայտնել, որ Իրանի եւ Հայաստանի երիտասարդները, քաղաքացիական նախաձեռնութիւնների շրջանակում, կարող են հանդէս գալ այդ երեւոյթի դէմ:

Արտաշէս Թումանեանն էլ իր գոհունակութիւնն է յայտնել երկկողմ յարաբերութիւնների ընդլայնման կապակցութեամբ, եւ նախարարին է փոխանցել ՀՀ սպորտի եւ երիտասարդութեան հարցերով նախարարի՝ Հայաստան այցելութեան հրաւէրը: Նա ասել է, որ Հայաստանը պատրաստ է բոլոր բնագաւառներում համագործակցութեան համար, եւ ողջունել է երկու երկրների մարզական թիմերի միջեւ ընկերական հանդիպումներ անց կացնելու գաղափարը:

Նա նշել է, որ Պարտադրեալ պատերազմի նահատակների թւում կան բազմաթիւ հայ նահատակներ, որոնց ընտանիքներին ամէն տարի, այցելում է Իսլ. յեղափոխութեան առաջնորդը: Դեսպանի կարծիքով՝ այս փաստը երկու ժողովրդների բարեկամութեան ապացոյցն է:

Դեսպանը նշել է, որ անկայուն այս տարածաշրջանում Իրանը բարի ժողովուրդ ունեցող ապահով երկիր է:

Յարակից լուրեր

  • Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»
    Ա. Մինասեան. «Արդէն կան ներդրողներ թէ՛ ԵՄ-ից, թէ՛ ԱՄՆ-ից, թէ՛ ՌԴ-ից, թէ՛ Չինաստանից»

    Կան ներդրողներ, ես անուններ չեմ հրապարակի, բայց բաւական մեծ ծաւալի ներդրումների մասին է խօսքը: Աւելի կոնկրետ ներդրումը կը լինի, դուք կը տեսնէք: Այս մասին այսօր կառավարութեան նիստի մեկնարկից առաջ լրագրողների հետ ճեպազրոյցում ասաց տնտեսական զարգացման եւ ներդրումների նախարար Արծւիկ Մինասեանը:

  • Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին
    Հայաստանի «եւ, եւ» քաղաքականութիւնը եւ զարմացնում, եւ ցաւացնում է Ադրբեջանին

    Վերջին ամիսներին Հայաստանի ներսում քաղաքական գործընթացների խաղաղ հանգուցալուծումը եւ առանց աշխարհաքաղաքան ցնցումների՝ երկրի զարգացման ուղու ապահովումը զարմացրեց շատերին, այդ թւում՝ Ադրբեջանին, որտեղ ոչ միայն զարմանում, այլ դատելով նաեւ մամուլում շարունակւող հրապարակումներից, ցաւում են նման ելքի համար։

  • Հայաստանը կարող է հանդիսանալ այն կղզեակը, որից կը կարողանան օգտւել իրանցիները
    Հայաստանը կարող է հանդիսանալ այն կղզեակը, որից կը կարողանան օգտւել իրանցիները

    Օրերս Ֆրանսիայի ֆինանսների նախարար Բրունօ Լը Մերը ցաւով յայտարարել է, որ ֆրանսիական մի քանի խոշոր ընկերութիւններ, որոնք միջուկային համաձայնութիւնից յետոյ սկսել էին գործունէութիւն ծաւալել Իրանում, հնարաւոր է՝ չկարողանան այլեւս շարունակել իրենց հետագայ համագործակցութիւնն ու դուրս գան իրանական շուկայից։ Պատճառն, ըստ Ֆրանսիայի գլխաւոր ֆինանսիստի, իհարկէ, ամերիկեան նախատեսւող պատժամիջոցներն են։ 

  • Միֆեր եւ իրականութիւն պարտադիր կուտակային կենսաթոշակային համակարգի մասին
    Միֆեր եւ իրականութիւն պարտադիր կուտակային կենսաթոշակային համակարգի մասին

    Կենսաթոշակային համակարգը երկրի քաղաքական, տնտեսական եւ սոցիալական անվտանգութեան տեսանկիւնից կարեւորագոյն գործօններից է, որի արդիւնաւէտ եւ առողջ կենսագործունէութեամբ մեծապէս պայմանաւորւած են երկրի սոցիալ-տնտեսական, բիւջետային կայունութիւնը, քաղաքացիների ընդհանուր բարեկեցութիւնը, հասարակութեան ունակութիւնը հոգ տանել իր անդամների մասին մինչեւ խոր ծերութիւն։

  • Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»
    Արմէն Գրիգորեան. «Ի վերջոյ Արցախի եւ Հայաստանի վերամիաւորումը պէտք է լինի»

    Ի վերջոյ Արցախի եւ Հայաստանի վերամիաւորումը պէտք է լինի․ «Ազատութիւն» ռ/կ-ի «Ֆէյսբուքեան ասուլիս» հաղորդաշարի ընթացքում նման միտք արտայայտեց Անվտանգութեան խորհրդի քարտուղար Արմէն Գրիգորեանը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։