Հա

Քաղաքական

Չորեքշաբթի, 08 Մարտի 2017 10:50

ՄԱԳԱՏԷ-ում ԱՄՆ-ի ներկայացուցիչի տեղակալը խոստովանեց. «Իրանը կատարում է իր ստանձնած բոլոր պարտաւորութիւնները»

Իրանն ամբողջութեամբ իրագործել է Միջուկային համապարփակ համաձայնագրով ստանձնած իր պարտաւորութիւնները: Այս մասին, ըստ «alikonline.ir»-ի՝ յայտարարել է ՄԱԳԱՏԷ-ի մօտ ԱՄՆ-ի մշտական ներկայացուցիչի տեղակալ Անդրիւ Շոֆէրը:

«alikonline.ir» - Իրանն ամբողջութեամբ իրագործել է Միջուկային համապարփակ համաձայնագրով ստանձնած իր պարտաւորութիւնները: Այս մասին, ըստ «alikonline.ir»-ի՝ յայտարարել է ՄԱԳԱՏԷ-ի մօտ ԱՄՆ-ի մշտական ներկայացուցիչի տեղակալ Անդրիւ Շոֆէրը: Նրա խոստովանութիւնը հետեւել է Իրանի ստանձնած պարտաւորութիւնների ամբողջական իրագործման մասին ՄԱԳԱՏԷ-ի գերատեսուչի յայտարարութեանը:

«Իրանի միջուկային ծրագրի խաղաղասիրական բնոյթի մասին միջազգային վստահութեան ստեղծման ուղղութեամբ անհրաժեշտութիւն են համարւում Միջուկային համապարփակ համաձայնագրի շրջագծում Իրանի ստանձնած պարտաւորութիւնների գործադրման վերահսկման եւ ստուգումների շարունակականութեան ապահովումը»,- նշել է ամերիկացի դիւանագէտը՝ յաւելելով, որ պաշտօնական Վաշինգտոնը բարձր է գնահատում Միջուկային համապարփակ համաձայնագրի գործադրման կապակցութեամբ ՄԱԳԱՏԷ-ի փետրւարի 24-ի հրապարակած զեկոյցը:

Յիշեցնենք, որ հրապարակւած զեկույցն ընդգծել է Իրանի միջուկային ծրագրի խաղաղասիրական բնոյթը՝ նշելով, որ Թեհրանն ամբողջութեամբ իրագործել է Միջուկային համապարփակ գործարքով ստանձնած իր պարտաւորութիւնները:

«Իրանը մանրակրկիտ ու լիարժէք կերպով հաւատարիմ պէտք է մնայ յստակեցւած ժամկէտներում իր ստանձնած բոլոր պարտաւորութիւններին ու տեխնիկական նախաձեռնութիւններին, որպէսզի ՄԱԳԱՏԷ-ն կարողանայ այդ կապակցութեամբ վստահութիւն ձեռք բերել»,- ասել է Անդրիւ Շոֆէրը՝ չանդրադառնալով, սակայն, նոյն գործարքով ԱՄՆ-ի ստանձնած պարտաւորութիւնների չիրագործմանը:

Ի դէպ՝ ԱՄՆ-ի նախագահ Դոնալդ Թրամփի վարչակազմը երէկ յայտարարեց, որ մտադիր է Իրանի միջուկային գործունէութեան կապակցութեամբ ցուցաբերել առաւել կոշտ մօտեցում:

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։