Հա

Քաղաքական

06/05/2017

Դոկտ. Լարիջանի. «Միջուկային համաձայնագրում փոփոխութիւն մտցնելու որեւէ փորձ կարող է նոր խնդիրներ առաջացնել»

«Պէտք է նկատի ունենալ, որ Միջուկային գործարքում փոփոխութիւն մտցնելու որեւէ փորձ կարող է նոր խնդիրներ առաջացնել: Իրանը հաւատարիմ է մնալու միջուկային գործարքին, սա մեր գործելաոճն է»,- ասել է Իսլ. խորհրդարանի նախագահը:

«alikonline.ir» - Միջուկային համապարփակ համաձայնագրում փոփոխութիւն մտցնելու որեւէ փորձ կարող է նոր խնդիրներ առաջացանել: Ինչպէս տեղեկացնում է ԻՌՆԱ-ն այս մասին, այսօր նաւթի, գազի եւ պետրոքիմիայի 22-րդ միջազգային ցուցահանդէսի բացման արարողութեան ժամանակ յայտարարել է Իսլ. խորհրդարանի նախագահ դոկտ. Ալի Լարիջանին՝ նշելով, որ Իրանը հաւատարիմ է մնալու միջուկային գործարքին:

«Միջուկային գործարքի նպատակն այն չէր, որ Իրանը հասնի իր պահանջների առաւելագոյնին: Այս օրերին, տարաբնոյթ խօսակցութիւններ են տեղի ունենում այն մասին, թէ Միջուկային համապարփակ համաձայնագրում կան բազմաթիւ վիճահարոյց խնդիրներ, սակայն, այն, ինչ-որ ընդունւեց մեր պահանջների նւազագոյնն էր»,- ասել է Իսլ. խորհրդարանի նախագահը՝ յաւելելով. «Պէտք է նկատի ունենալ, որ Միջուկային գործարքում փոփոխութիւն մտցնելու որեւէ փորձ կարող է նոր խնդիրներ առաջացնել: Իրանը հաւատարիմ է մնալու միջուկային գործարքին, սա մեր գործելաոճն է»:

Անդրադառնալով ցուցահանդէսին, դոկտ. Լարիջանին նշել է, որ ինքն անմիջականօրէն հետեւել է Նաւթի նախարարութեան գործունէութեանը եւ կարող է վկայել, որ առկայ բոլոր խնդիրներով հանդերձ՝ լուրջ եւ շահաւետ քայլեր են ձեռնարկւել նաւթի եւ գազի արդիւնաբերութեան ոլորտներում:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։