Հա

Քաղաքական

%AM, %07 %298 %2017 %10:%Օգս

Բահրամ Ղասեմի. «Միջազգային հանրութեան համար նախընտրելի է Իրանի հետ կառուցողական գործակցութիւնը»

Հանրապետութեան նախագահի երդմնակալութեան արարողութեանը տարբեր երկրների պատւիրակութիւնների մասնակցութիւնը վկայում է այն մասին, որ միջազգային հանրութեան մօտ իրանասիրութիւնը եւ Իրանի հետ բարեկամութիւնը յաղթել է իրանոֆոբիային եւ Իրանի դէմ թշնամանքին: Յայտարարել է Բահրամ Ղասեմին:

«alikonline.ir» - Հանրապետութեան նախագահի երդմնակալութեան արարողութեանը տարբեր երկրների պատւիրակութիւնների մասնակցութիւնը վկայում է այն մասին, որ միջազգային հանրութեան մօտ իրանասիրութիւնը եւ Իրանի հետ բարեկամութիւնը յաղթել է իրանոֆոբիային եւ Իրանի դէմ թշնամանքին: Այս մասին ԻՍՆԱ-ի հետ զրոյցում նշել է ԱԳ նախարարութեան պաշտօնական ներկայացուցիչ Բահրամ Ղասեմին:

Ղասեմին յիշեցրել է, որ Հանրապետութեան նախագահի նախորդ երդմնակալութեան արարողութեանը մասնակցում էին արտասահմանեան 47 պատւիրակութիւններ, մինչ դեռ այս տարի այդ թիւն հասել էր 105-ի, որոնց կողքին ներկայ էին նաեւ միջազգային 9 կառոյցների ներկայացուցիչներ եւս:

«11-րդ կառավարութեան աշխատանքների մեկնարկին, քաղաքա-տնտեսական միջազգային պատժամիջոցների եւ ՄԱԿ-ի ԱԽ-ի ընդունած բանաձեւերի ազդեցութեան ներքոյ, դիւանագիտական պատւիրակութիւնների այցը երկիր խիստ սահամանափակ էր, սակայն, այսօր այցերի ակտիւութեան ականատեսն ենք, որը վկայում է այն մասին, թէ միջազգային հանրութիւնն ընդառաջում է Իրանի Իսլամական Հանրապետութեան արտաքին քաղաքականութեանը»,- ասել է Ղասեմին՝ յաւելելով, որ դա դրական պատասխան է անցեալ չորս տարիների ընթացքում Իրանի վարած արտաքին քաղաքականութեանը, որը հիմնւած է չափաւորութեան, գործակցութեան եւ իմաստութեան սկզբունքների վրայ:

ԱԳ նախարարութեան մամլոյ խօսնակի կարծիքով, աշխարհի շուրջ 2/3-րդ երկրների պատւիրակութիւնները մասնակցելով Հանրապետութեան նախագահի երդմնակալութեան արարողութեանը յստակօրէն իրենց պատրաստակամութիւնը յայտնեցին Իրանի հետ քաղաքա-տնտեսական յարաբերութիւնների ընդլայնման համար. «Իսկ Իրանն էլ իր հերթին պատրաստակամ է դրականօրէն արձագանգելու այդ ցանկութեանը»,- նշել է Ղասեմին:

Ըստ նրա՝ նախագահի երդմնակալութեան արարողութիւնն ապացուցեց, որ պարտւել է Իրանի թշնամիների՝ իրանոֆոբիայի տարածման եւ Իրանի դէմ թշնամանք սերմանելու քաղաքականութիւնը, եւ միջազգային հանրութիւնը նախապատւութիւնը տալիս է իրանասիրութեանը, Իրանի հետ բարեկամութեանն ու կառուցողական գործակցութեանը:

اخبار مرتبط

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։