Հա

Քաղաքական

Երեքշաբթի, 29 Օգոստոսի 2017 09:20

Գեներալ Հաթամի. «Երկրի պաշտպանական կարողականութեան զարգացումը մշտապէս համարւել է մեր գլխաւոր առաջնահերթութիւնը»

Երկրի պաշտպանական կարողականութեան զարգացումը մշտապէս համարւել է պաշտպանութեան նախարարութեան գլխաւոր առաջնահերթութիւնը: Յայտարարել է Իրանի պաշտպանութեան նախարար գեներալ-մայոր Ամիր Հաթամին:

«alikonline.ir» - Երկրի պաշտպանական կարողականութեան զարգացումը մշտապէս համարւել է պաշտպանութեան նախարարութեան գլխաւոր առաջնահերթութիւնը: Ինչպէս տեղեկացնում է ԻՍՆԱ-ն՝ այս մասին յայտարարել է Իրանի պաշտպանութեան նախարար գեներալ-մայոր Ամիր Հաթամին:

«Իրանի պաշտպանական հայեցակարգի կարեւորագոյն տեսութիւնը բազմակողմանի պաշտպանութիւնն է, որը հիմնւած է ակտիւ կանխարգելման սկզբունքի վրայ»,- ասել է ՊՆ նախարարը՝ յաւելելով, որ Իրանն իր պաշտպանական կարողականութիւնը զարգացնելու է այնքան, որ որեւէ մէկը չմտածի երկրի դէմ ոտնձգութեան մասին՝ գիտակցելով, որ ստանալու է ջախջախիչ պատասխան:

«Երկրի պաշտպանական կարողականութեան զարգացումը մշտապէս համարւել է պաշտպանութեան նախարարութեան գլխաւոր առաջնահերթութիւնը. օգտագործելով նախարարութեան ողջ կարողականութիւնն աշխատելու ենք այդ ուղղութեամբ»,- նշել է նա:

Անդրադառնալով Իրանի հրթիռային կարողականութեանը, երկրի պաշտպանական գերատեսչութեան ղեկավարն այն համարել է բաւարար մակարդակի՝ ընդգծելով, որ համապատասխան կառոյցներն աշխատում են դրա մակարդակի բարելաւման եւ բարձրացման ուղղութեամբ:

Խօսելով Իրանի հրթիռային կարողականութեան կապակցութեամբ որոշակի զգայնութիւնների մասին, գեներալ Հաթամին նշել է. «Մեր հրթիռային կարողականութիւնն ունի կանխարգելիչ նշանակութիւն: Եթէ ցանկանում ենք ապրել խաղաղ եւ անվտանգ պայմաններում, ապա անհրաժեշտ է որպէսզի նրանք, ովքեր չարակամօրէն են տրամադրւած մեր երկրի դէմ ստանան ջախջախիչ պատասխան: Հրթիռային կարողականութիւնը համարւում է այդ պատասխանի բաղադրիչներից մէկը»:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։