Հա

Քաղաքական

05/12/2017

Դոկտ. Ալի Լարիջանի. «Իրանն ու Ռուսաստանը կանգնած են ահաբեկչութեան դէմ պայքարի առաջին գծում»

Իրանն ու Ռուսաստանը կանգնած են ահաբեկչութեան դէմ պայքարի առաջին գծում, եւ այդ ուղղութեամբ ծաւալում են սերտ համագործակցութիւն: Այս մասին յայտարարել է Իսլ. խորհրդարանի նախագահ դոկտ. Ալի Լարիջանին:

«alikonline.ir» - Իրանն ու Ռուսաստանը կանգնած են ահաբեկչութեան դէմ պայքարի առաջին գծում, եւ այդ ուղղութեամբ ծաւալում են սերտ համագործակցութիւն: Այս մասին ռուսական «ITAR-TASS» գործակալութեան հետ զրոյցում յայտարարել է Իսլ. խորհրդարանի նախագահ դոկտ. Ալի Լարիջանին:

Իսլ. խորհրդարանի խօսնակը, ով Մոսկւա է մեկնել մասնակցելու թմրադեղերի դէմ պայքարի միջազգային խորհրդաժողովին ռուսական գործակալութեան հետ զրոյցում ի թիւս այլ հարցերի անդրադարձել է նաեւ ահաբեկչութեան դէմ պայքարի թեմային՝ ընդգծելով, որ ի տարբերութիւն որոշ երկրների, որոնք բաւարարւում են ահաբեկչութեան դէմ պայքարի մասին բարձրաձայնելով միայն, պաշտօնական Թեհրանն ու Մոսկւան կանգնած են գործնական պայքարի առաջին գծում:

«Իրանն ու Ռուսաստանը կանգնած են ահաբեկչութեան դէմ պայքարի առաջին գծում: Միւսները միայն խօսում են այդ մասին: Ահաբեկչութեան դէմ պայքարի նպատակով ձեւաւորւել են տարբեր կոալիցիաներ, որոնք գործնականում ոչինչ չեն անում»,- ասել է դոկտ. Լարիջանին՝ յաւելելով, որ բոլոր աշխարհն է վկայում այն մասին, որ Թեհրանն ու Մոսկւան միակն են, որոնք գործնականում պայքարում են այդ երեւոյթի դէմ:

Խօսելով Սիրիայում ԴԱԷՇ-ի վերահսկողութեան տակ գտնւող ողջ տարածքների ազատագրման մասին, Իսլ. խորհրդարանի նախագահը դա համարելով խոշորագոյն ձեռքբերում եւ մեծ յաղթանակ՝ միաժամանակ զգուշացրել է, որ դա դեռւես չի նշանակում վերջնական յաղթանակ ու պայքարի աւարտ:

«Պէտք է ընդունենք այն փաստը, որ ահաբեկիչները Սիրիայում դեռեւս ունեն ճամբարներ, եւ ներթափանցում են նաեւ այլ երկրներ, իսկ դա նշանակում է, որ ահաբեկչութեան դէմ պայքարը դեռեւս չի հասել իր աւարտին»,- նշել է դոկտ. Լարիջանին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։