Հա

Քաղաքական

10/12/2017 - 15:00

Դոկտ. Ռոհանին ընդունել է Բորիս Ջոնսոնին

Հանրապետութեան նախագահ դոկտ. Հասան Ռոհանին այսօր՝ դեկտեմբերի 10-ին ընդունել է պաշտօնական այցով Թեհրան այցելած Մեծ Բրիտանիայի ԱԳ նախարար Բորիս Ջոնսոնին:

«alikonline.ir» - Հանրապետութեան նախագահ դոկտ. Հասան Ռոհանին այսօր՝ դեկտեմբերի 10-ին ընդունել է պաշտօնական այցով Թեհրան այցելած Մեծ Բրիտանիայի ԱԳ նախարար Բորիս Ջոնսոնին:

Հանդիպմանը կողմերը քննարկել են երկկողմ յարաբերութիւններին, միջազգային եւ տարածաշրջանային իրադարձութիւններին վերաբերող հարցեր:

Հանրապետութեան նախագահը կարեւորել է փոխադարձ շահերն ապահովող երկկողմ յարաբերութիւնների համաչափ զարգացումը՝ նշելով, որ դրանք չեն զարգացել այնպէս, ինչպէս պէտք է զարգանային յետպատժամիջոցային ժամանակաշրջանի հնարաւորութիւններին համապատասխան: Երկկողմ յարաբերութիւնների ընդլայնման գործում, նա կարեւորել է առաւել ջանքերի ներդրումը:

Անդրադառնալով Միջուկային գործարքի շրջանակում երկու երկրների միջեւ ֆինանսա-բանկային յարաբերութիւնների ընդլայնման կարեւորութեանը, դոկտ. Ռոհանին ասել է. «Միջուկային գործարքի պահպանումն ու իրագործումը կարեւոր է: Հաւատացած ենք, որ բոլորը, յատկապէս Իրանի ժողովուրդը պէտք է կարողանան օգտւել դրա ընձեռած հնարաւորութիւններից»:

Դոկտ. Ռոհանին շեշտել է, որ Իրանը մշտապէս ձգտել է տարածաշրջանում կայունութեան եւ խաղաղութեան հաստատմանն ու ահաբեկչութեան վերացմանն՝ ընդգծելով, որ տարածաշրջանային պայմաններն այսօր այնպիսին են, որ որեւէ մէկը չպէտք է փորձի թէժացնել այն: Նա Երուսաղէմը որպէս Իսրայէլի մայրաքաղաք ճանաչելու մասին ԱՄՆ-ի նախագահի որոշումը որակել է սխալ քայլ, որը միանշանակօրէն նպաստելու է տարածաշրջանում յաւելեալ լարւածութեան առաջացմանը:

Բորիս Ջոնսոնն էլ իր հերթին նշել է, որ պաշտօնական Լոնդոնը հաստատակամ է ընդլայնելու երկկողմ յարաբերութիւնները եւ այդ կապակցութեամբ կարեւորում է Միջուկային համապարփակ համաձայնագրի պահպանումն ու լիարժէք իրագործումը:

Մեծ Բրիտանիայի ԱԳ նախարար շեշտել է, որ Իրանը առանցքային դերակատարութիւն է ունեցել տարածաշրջանում ահաբեկչութեան դէմ պայքարի եւ կայունութեան ու խաղաղութեան ամրապնդման գործում: Նա նշել է, որ պաշտօնական Լոնդոնը Երուսաղէմը որպէս Իսրայէլի մայրաքաղաք ճանաչելու մասին ԱՄՆ-ի նախագահի որոշումը համարում է սխալ:

Յարակից լուրեր

  • Նախագահ Ռոհանին խորհրդարանին ներկայացրեց նախարարների թեկնածուների ցանկը
    Նախագահ Ռոհանին խորհրդարանին ներկայացրեց նախարարների թեկնածուների ցանկը

    Հանրապետութեան նախագահ Հասան Ռոհանին, այսօր՝ առաւօտեան խորհրդարանի դիւանին է ներկայացրել իր առաջարկած նախարարարների թեկնածուների ցանկը:

  • Փաշինեանը Լիբանանում հանդիպել է ՀՅԴ ներկայացուցիչների հետ
    Փաշինեանը Լիբանանում հանդիպել է ՀՅԴ ներկայացուցիչների հետ

    Լիբանան կատարած աշխատանքային այցի շրջանակում Հայաստանի վարչապետի պաշտօնակատար Նիկոլ Փաշինեանը Լիբանանում Հայաստանի դեսպանութիւնում հանդիպել է այդ երկրում գործող հայ աւանդական կուսակցութիւնների՝ Հայ Յեղափոխական Դաշնակցութեան, Սոցիալ դեմոկրատ Հնչակեան կուսակցութեան եւ Ռամկավար ազատական կուսակցութեան ներկայացուցիչներին:

  • Նախագահ Ռոհանին նոր նշանակումներ է կատարել
    Նախագահ Ռոհանին նոր նշանակումներ է կատարել

    Նախագահ Ռոհանին երէկ՝ երեկոյեան ընդունել է արդիւնաբերութեան, հանքարդիւնաբերութեան եւ առեւտրի նախարար Մոհամմադ Շարիաթմադարի եւ տրանսպորտի եւ քաղաքաշինութեան նախարար Աբբաս Ախոնդի հրաժարականները:

  • Նիկոլ Փաշինեանը աշխատանքային այցով Լիբանանում է
    Նիկոլ Փաշինեանը աշխատանքային այցով Լիբանանում է

    Աշխատանքային այցով Լիբանանում գտնւող ՀՀ վարչապետի պաշտօնակատար Նիկոլ Փաշինեանը հանդիպումներ է ունեցել Լիբանանի նախագահ Միշէլ Աունի, այդ երկրի խորհրդարանի նախագահ Նաբիհ Բըրիի, եւ Լիբանանի վարչապետի պաշտօնակատար Սաադ Հարիրիի հետ: 

  • ՀՅԴ Լիբանանի Կեդրոնական կոմիտէն հանդիպումներ ունեցաւ Հարիրիի եւ Պասիլի հետ
    ՀՅԴ Լիբանանի Կեդրոնական կոմիտէն հանդիպումներ ունեցաւ Հարիրիի եւ Պասիլի հետ

    Երեսփոխան Բագրատունի շեշտեց, որ կառավարութեան կազմութեան նպատակով ընթացած առաջին խորհրդակցութիւններէն իսկ ՀՅԴ Լիբանանի Կեդրոնական կոմիտէն պահանջած է 30 հոգինոց կառավարութիւն մը, որուն մէջ պէտք է ներկայացուին լիբանանեան քաղաքական բոլոր ուժերն ու համայնքները, «նոյնիսկ անոնք, որոնք դժբախտաբար մինչեւ օրս կը նկատուին փոքրամասնութիւններ: Մինչդեռ այս երկրին մէջ բոլորս փոքրամասնութիւններ ենք»,- ըսաւ ան:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։