Հա

Քաղաքական

Երեքշաբթի, 02 Յունւարի 2018 10:00

Դոկտ. Ռոհանին՝ խորհրդարանի մասնագիտական յանձնաժողովների նախագահների հետ հանդիպման ժամանակ. «Վերջին դէպքերը մարտահրաւէրներ են, որոնց պէտք է առիթի վերածենք»

Հանրապետութեան նախագահ դոկտ. Հասան Ռոհանին կարծում է, որ վերջին օերերի ընթացքում տեղի ունեցած դէպքերը մարտահրաւէրներ են, որոնց անհրաժեշտ է առիթի վերածել:

«alikonline.ir» - Հանրապետութեան նախագահ դոկտ. Հասան Ռոհանին կարծում է, որ վերջին օերերի ընթացքում տեղի ունեցած դէպքերը մարտահրաւէրներ են, որոնց անհրաժեշտ է առիթի վերածել: Ինչպէս տեղեկացնում է ԻՌՆԱ-ն՝ այս մասին նա յայտարարել է երէկ՝ յունւարի 1-ին, Իսլ. խորհրդարանի մասնագիտական յանձանժողովների նախագահների հետ հանդիպման ընթացքում: 

Նշելով, որ սոցիալ-տնտեսական պահանջներից բացի, ժողովուրդը պահանջում է նաեւ աւելի ազատականացնել երկրի մթնոլորտը՝ Հանրապետութեան նախագահը նշել է. «Բողոքի ակցիանների բոլոր մասնակիցները չէ, որ ուղղորդւում են արտասահմանից: Նրանց մեծ մասն իրենց խնդիրների եւ դժւարութիւնների համար են փողոց դուրս եկել»:

Անդրադառնալով երկրի տնտեսական վիճակին, դոկտ. Ռոհանին նշել է, որ աշխարհում քիչ են այն երկրները, որոնք կարող են մէկ տարում 700 հազար աշխատատեղ ստեղծել: Բանւորների, չինովնիկների եւ թոշակառուների աշխատավարձն այնպէս սահմանել, որը գերազանցի տարւայ սղաճի միջին ցուցանիշը:

Այդուհանդերձ, նախագահը խոստովանել է նաեւ, որ կան որոշակի խնդիրներ որոնց լուծումը վեր է կառավարութեան հնարաւորութիւններից եւ ժամանակ է պահանջում:

Խօսելով վերջին օրերի բողոքի զանգւածային ակցիաների մասին, դոկտ. Ռոհանին նշել է. «Ժողովուրդը միայ տնտեսական խնդիրների պատճառով չէ, որ փողոց է դուրս եկել. նրանք միայն փող, հաց ու ջուր չէ, որ պահանջում են: Նրանց գլխաւոր պահանջներից մէկը մթնոլորտի աւելի ազատականացումն է»:

Նախագահը յաւելել է, որ վերջին դէպքերը մարտահրաւէրներ են, որոնց անհրաժեշտ է առիթի վերածել: Նա ընդգծել է, որ ժողովուրդը պահանջում է առաւել թափանցիկութիւն եւ կոռուպցիայի վերացում:

Դոկտ. Ռոհանին ասել է, որ կառավարութիւնը կը կրկնապատկի իր ջանքերը երկրում տնտեսական խնդիրների, գործազրկութեան, օդի աղտոտման եւ գնաճի հարցերի լուծման համար:

Յարակից Հրապարակումներ

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։