Հա

Քաղաքական

08/01/2018 - 13:20

ԱԳՆ տեղակալ. «Միջազգային հանրութիւնը պէտք է նախապատրաստւի Միջուկային գործարքի՝ ԱՄՆ-ի կողմից հաւանական չեղարկմանը»

Թեհրանի անվտանգութեան երկրորդ խորհրդաժողովի ժամանակ անդրադառնալով Միջուկային համապարփակ համաձայնագրին, Իրանի ԱԳ նախարարի տեղակալ Սէյէդ Աբբաս Արաղչին ասել է, որ աւելի քան մէկ տարի է, ինչ ԱՄՆ-ի նախագահը ջանք չի խնայում չեղարկելու այն: 

«alikonline.ir» - Թեհրանի անվտանգութեան երկրորդ խորհրդաժողովի ժամանակ անդրադառնալով Միջուկային համապարփակ համաձայնագրին, Իրանի ԱԳ նախարարի տեղակալ Սէյէդ Աբբաս Արաղչին ասել է, որ աւելի քան մէկ տարի է, ինչ ԱՄՆ-ի նախագահը ջանք չի խնայում չեղարկելու այն: Տեղեկացնում է ԻՍՆԱ-ն:

Յիշեցնելով, որ Միջուկային գործարքի շրջանակում, առաջիկայ օրերին նախագահ Թրամփը պէտք է երկարաձգի Իրանի դէմ գործող պատժամիջոցների սառեցման ժամկէտը, Արաղչին նշել է, որ ոմանք չեն բացառում, որ նախագահ Թրամփը կը հրաժարւի անել դա:

«Հնարաւոր է, որ առաջիկայ օրերի ընթացքում ԱՄՆ-ը դուրս գայ Միջուկային գործարքից: Միջազգային հանրութիւնը պէտք է նախապատրաստւի դրան»,- ասել է փոխարտգործնախարարը՝ յաւելելով, որ ԱՄՆ-ը քայլում է այդ ուղղութեամբ, իսկ Իրանը պատրաստ է հաւանական այդ սցենարի համար:

«Այս հաւանականութեան իրականացման դէպքում առաջինը կը տուժեն միջազգային հանրութիւնն ու մեր տարածաշրջանը, քանզի առ ոչինչ կը դառնայ միջազգային յաջող մի փորձ»,- ասել է Արաղչին՝ ընդգծելով, որ առանց Միջուկային գործարքի մեր տարածաշրջանն աւելի անվտանգ չի դառնալու:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։