Հա

Քաղաքական

11/01/2018 - 09:20

Անհրաժեշտ է պահպանել եւ ամբողջովին իրագործել Միջուկային գործարքը. նման կարծիքի են Զարիֆն ու Լաւրովը

Մոսկւայում կայացել է Իրանի եւ Ռուսաստանի ԱԳ նախարարների հերթական հանդիպումը, որի ընթացքում կողմերը հիմնականում քննարկել են Միջուկային համապարփակ համաձայնագրի հետ կապւած թեմաներ:

«alikonline.ir» - Երէկ՝ յունւարի 10-ին Մոսկւայում կայացել է Իրանի եւ Ռուսաստանի ԱԳ նախարարների՝ դոկտ. Մոհամմադ Ջաւադ Զարիֆի եւ Սերգէյ Լաւրովի հերթական հանդիպումը, որի ընթացքում կողմերը հիմնականում քննարկել են Միջուկային համապարփակ համաձայնագրի հետ կապւած թեմաներ:

Միջուկային գործարքը համարելով միջազգային դիւանագիտութեան կարեւոր եւ գլխաւոր ձեռքբերումներից մէկը, երկու երկրների արտաքին քաղաքական գերատեսչութիւնների ղեկավարները յատուկ ընդգծել են դրա պահպանման, ամբողջական իրագործման եւ շարունակականութեան ապահովման անհրաժեշտութիւնը:

Նրանք անդրադարձ են կատարել նաեւ երկկողմ յարաբերութիւններին՝ ծանրանալով յայտկապէս տարածաշրջանում ահաբեկչութեան դէմ պայքարի գործում համագործակցութեանն ու կայունութեան, խաղաղութեան եւ անվտանգութեան հաստատման ու ամրապնդման գործում երկու երկրների ներդրած համատեղ ջանքներին:

Այս համատեքստում նրանք կարեւորել են յատկապէս ռուսական Սոչի քաղաքում նախատեսւող միջսիրիական ազգային բանակցութիւնները, յոյս յայտնելով, որ դրանք կը նպաստեն Սիրիայում խաղաղութեան եւ կայունութեան հաստատմանը:

Նշենք, որ մոսկովեան բանակցութիւնների աւարտից յետոյ, դոկտ. Զարիֆը մեկնել է Բրիւսէլ, ու այսօր՝ յունւարի 11-ին կայանալու է Միջուկային համապարփակ համաձայնագրի կապակցութեամբ ԵՄ-ի արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինիի եւ Գերմանիային, Ֆրանսիայի ու Մեծ Բրիտանիայի ԱԳ նախարարների հետ նրա բանակցութիւնները:

Բրիւսէլ մեկնելուց առաջ դոկտ. Զարիֆը «Twitter»-ի իր միկրոբլոգում գրել էր, որ ՄԱԳԱՏԷ-ն հաստատել է Իրանի լիակատար հաւատարմութիւնը Միջուկային համապարփակ համաձայնագրով ստանձնած իր պարտաւորութիւններին: Սակայն, այդ ընթացքի շարաունակականութիւնը պայմանաւորւած է նրանով, որ ԱՄՆ-ը եւս լիարժէքօրէն կատարի համաձայնագրով ստանձնած իր պարտաւորութիւնները:

Յարակից լուրեր

  • Անթիլիասում տեղի է ունեցել Նիկոլ Փաշինեանի եւ Մեծի Տանն Կիլիկիոյ Ն.Ս.Օ.Տ.Տ. Արամ Ա կաթողիկոսի հանդիպումը
    Անթիլիասում տեղի է ունեցել Նիկոլ Փաշինեանի եւ Մեծի Տանն Կիլիկիոյ Ն.Ս.Օ.Տ.Տ. Արամ Ա կաթողիկոսի հանդիպումը

    Վարչապետի պաշտօնակատար Նիկոլ Փաշինեանը Լիբանան կատարած աշխատանքային այցի շրջանակում երէկ Անթիլիասում հանդիպում է ունեցել Մեծի Տանն Կիլիկիոյ Ն.Ս.Օ.Տ.Տ. Արամ Ա կաթողիկոսի հետ:

  • ԱԳՆ-ն հերքել է Զարիֆի հրաժարականի մասին լուրերը
    ԱԳՆ-ն հերքել է Զարիֆի հրաժարականի մասին լուրերը

    Այսօր՝ առաւօտեան Իրանի արտգործնախարարութիւնը տարածել է յայտարարութիւն, որտեղ հերքել է վերջերս տարածւած լուրերը որոնք վերաբերւում էին ԱԳՆ նախարար Մոհամմադ Ջաւադ Զարիֆի հրաժարական ներկայացնելուն:

  • Փաշինեանը Լիբանանում հանդիպել է ՀՅԴ ներկայացուցիչների հետ
    Փաշինեանը Լիբանանում հանդիպել է ՀՅԴ ներկայացուցիչների հետ

    Լիբանան կատարած աշխատանքային այցի շրջանակում Հայաստանի վարչապետի պաշտօնակատար Նիկոլ Փաշինեանը Լիբանանում Հայաստանի դեսպանութիւնում հանդիպել է այդ երկրում գործող հայ աւանդական կուսակցութիւնների՝ Հայ Յեղափոխական Դաշնակցութեան, Սոցիալ դեմոկրատ Հնչակեան կուսակցութեան եւ Ռամկավար ազատական կուսակցութեան ներկայացուցիչներին:

  • Նիկոլ Փաշինեանը աշխատանքային այցով Լիբանանում է
    Նիկոլ Փաշինեանը աշխատանքային այցով Լիբանանում է

    Աշխատանքային այցով Լիբանանում գտնւող ՀՀ վարչապետի պաշտօնակատար Նիկոլ Փաշինեանը հանդիպումներ է ունեցել Լիբանանի նախագահ Միշէլ Աունի, այդ երկրի խորհրդարանի նախագահ Նաբիհ Բըրիի, եւ Լիբանանի վարչապետի պաշտօնակատար Սաադ Հարիրիի հետ: 

  • ՀՅԴ Լիբանանի Կեդրոնական կոմիտէն հանդիպումներ ունեցաւ Հարիրիի եւ Պասիլի հետ
    ՀՅԴ Լիբանանի Կեդրոնական կոմիտէն հանդիպումներ ունեցաւ Հարիրիի եւ Պասիլի հետ

    Երեսփոխան Բագրատունի շեշտեց, որ կառավարութեան կազմութեան նպատակով ընթացած առաջին խորհրդակցութիւններէն իսկ ՀՅԴ Լիբանանի Կեդրոնական կոմիտէն պահանջած է 30 հոգինոց կառավարութիւն մը, որուն մէջ պէտք է ներկայացուին լիբանանեան քաղաքական բոլոր ուժերն ու համայնքները, «նոյնիսկ անոնք, որոնք դժբախտաբար մինչեւ օրս կը նկատուին փոքրամասնութիւններ: Մինչդեռ այս երկրին մէջ բոլորս փոքրամասնութիւններ ենք»,- ըսաւ ան:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։