Հա

Քաղաքական

Շաբաթ, 13 Յունւարի 2018 09:30

ԱԳՆ. «Իր ստանձնած պարտաւորութիւններից բացի Իրանը չի կատարելու յաւելեալ որեւէ քայլ»

Իրանի ԱԳՆ-ը շեշտել է, որ Միջուկային գործարքով իր ստանձնած պարտաւորութիւններից բացի Իրանը չի կատարելու յաւելեալ որեւէ քայլ:

«alikonline.ir» - Նախագահ Թրամփի կողմից Իրանի դէմ գործող պատժամիջոցների սառեցման ռեժիմի ժամկէտի երկարաձգման եւ ԱՄՆ-ի ֆինանսների նախարարութեան կողմից Իրանի 14 ֆիզիկական եւ իրաւաբանական անձանց դէմ նոր պատժամիջոցներ սահմանելու որոշման կապակցութեամբ Իրանի ԱԳ նախարարութիւնը հանդէս է եկել յայտարարութեամբ:

«Իրանը յստակօրէն նշում է, որ իր ստանձնած պարտաւորութիւններից բացի չի կատարելու յաւելեալ որեւէ քայլ, եւ ո՛չ այսօր, ո՛չ էլ ապագայում չի ընդունելու համաձայնագրում որեւէ փոփոխութիւն»,- մասնաւարապէս նշւած է ԱԳՆ տարածած յայտարարութեան մէջ:

ԱԳՆ տարածած յայտարարութիւնից բացի, ԱԳ նախարար դոկտ. Մոհամմադ Ջաւադ Զարիֆը եւս այս կապակցութեամբ յատուկ գրառում է կատարել «Twitter»-ի իր միկրոբլոգում՝ նոյնպէս շեշտելով, որ Միջուկային գործարքը վերաբանակցութեան թեմա չի կարող դառնալ, եւ ԱՄՆ-ն ստիպւած է կատարել գործարքով ստանձնած իր պարտաւորութիւնները:

«Միջուկային համապարփակ համաձայնագիրը վերաբանակցութեան ենթակայ չէ: Հնամաշ հռետորաբանութեան փոխարէն, ԱՄՆ-ն Իրանի պէս պէտք է գործադրի Միջուկային համապարփակ համաձայնագրի կէտերը»,- գրել է դոկտ. Զարիֆը՝ յաւելելով, որ Թրամփի յայտարարութիւնը ապարդիւն քայլ է՝ վտանգելու համար բազմակողմ ամուր մի համաձայնագիր, որն ունի ՄԱԿ-ի ու ՄԱԳԱՏԷ-ի հաստատումը:

Յարակից Հրապարակումներ

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։