Հա

Քաղաքական

Չորեքշաբթի, 14 Փետրւարի 2018 14:10

Աբբաս Արաղչի. «Միջուկային գործարքի փոփոխութիւնը բացառւած է»

ԱՄՆ-ի որդեգրած նոր քաղաքականութեան լոյսի ներքոյ, Միջուկային համապարփակ համաձայնագրի հետ կապւած իրադարձութիւնները կազմել են քաղաքական հարցերով ԱԳ նախարարի տեղակալ Սէյէդ Աբբաս Արաղչիի եւ նրա ռուս գործընկերոջ՝ Սերգէյ Ռիաբկովի բանակցութիւնների առանցքը:

«alikonline.ir» - ԱՄՆ-ի որդեգրած նոր քաղաքականութեան լոյսի ներքոյ, Միջուկային համապարփակ համաձայնագրի հետ կապւած իրադարձութիւնները կազմել են քաղաքական հարցերով ԱԳ նախարարի տեղակալ Սէյէդ Աբբաս Արաղչիի եւ նրա ռուս գործընկերոջ՝ Սերգէյ Ռիաբկովի բանակցութիւնների առանցքը: Տեղեկացնում է ԻՌՆԱ-ն:

Անդրադառնալով բանակցութիւններին, իրանցի աւագ դիւանագէտը նշել է, որ Միջուկային գործարքի շուրջ նախագահ Թրամփի ստեղծած բացասական մթնոլորտը, հնչող սպառնալիքներն ու սահմանւած վերջնաժամկէտն անհրաժեշտ են դարձնում նման բանակցութիւնների յաճախականութեան աւելացումը:

«Այս կապակցութեամբ մենք բանակցում ենք նաեւ եւրոպական կողմի հետ, սակայն, բնական է, որ Ռուսաստանի եւ Չինաստանի հետ մեր բանակցութիւններն ունեն յատուկ նշանակութիւն»,- ասել է Արաղչին:

Նա յատուկ ընդգծել է, որ պաշտօնական Թեհրանի համար որեւէ նշանակութիւն չունի այն փաստը, թէ Միջուկային գործարքի հետ կապւած միւս երկրների եւ ամերիկացիների միջեւ ընթացող բանակցութիւններն ինչ արդիւնք են ունենալու. «Վերաբանակցելու, համաձայնագիրը վերանայելու կամ դրան նոր կէտեր աւելացնելու հնարաւորութիւնը բացառւած է»,- շեշտել է Արաղչին՝ յաւելելով, որ համաձայնագրի բոլոր կողմերը պարտաւոր են կատարել իրենց ստանձնած պարտաւորութիւնները, հակառակ դէպքում կրելու են դրանից բխող բոլոր հետեւանքների պատասխանատւութիւնը:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։