Հա

Քաղաքական

03/06/2018

Դոկտ. Կարէն Խանլարեան. «Կը յաղթենք, եթէ միակամ լինենք»

Կը յաղթանեք, եթէ պարտադրեալ պատերազմի տարիների պէս պահպանենք միակամութիւնը: Այս մասին, ԻՌՆԱ-ի հետ զրոյցում ասել է Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը:

«alikonline.ir» - Կը յաղթանեք, եթէ պարտադրեալ պատերազմի տարիների պէս պահպանենք միակամութիւնը: Այս մասին, ԻՌՆԱ-ի հետ զրոյցում ասել է Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը:

Միասնականութիւնն ու միակամութիւնը յայտարարելով որպէս բոլոր յաղթանակների գրաւականը, դոկտ. Կարէն Խանլարեանն ասել է. «Անցեալ 40 տարիների ընթացքում մեզ յաջողւել է յաղթահարել բազմաթիւ փորձութիւններ եւ մարտահրաւէրներ, ինչպիսիք են պարտադրեալ պատերազմանն ու անարադար պատժամիջոցների դժւարին շրջանը, իսկ յաջողութիւնը պայմանաւորւած է եղել մեր ազգային հոգեբանութեամբ, միասնականութեամբ եւ միակամութեամբ»:

Ըստ պատգամաւորի՝ եթէ թշնամին փորձի պատժամիջոցների սաստակցմամբ, կամ աշխարհում եւ տարածաշրջանում իրանոֆոբիայի տարածմամաբ սպառնալ Իրանի ժողովրդին եւ կասեցնել մեր առաջընթացի ուղին, ապա ազգային միասնականութեան պահպանման շնորհիւ հնարաւոր կը լինի չէզոքացնել նրա բոլոր ջանքերը:

«Անհրաժեշտ է, որպէսզի ապաւինելով յետյեղափոխութեան 40 տարիների ընթացքում ամենատարբեր ոլորտներում արձանագրւած նւաճումներին եւ ամրացնելով միասնականութիւնը, պահպանենք մեր բոլոր արժէքներն ու ձեռքբերումները, որոնք ժողովրդի եւ համակարգի միակամութեան արդիւնքն են»,- ասել է դոկտ. Խանլարեանը՝ յաւելելով, որ Սահմանադրութեան ոգին, ազգային ինքնութեան, կրօնական եւ յեղափոխական համատեղութիւններն այն գլխաւոր գրաւականներն են, որոնք կարող են երաշխաւորել Իրանի ժողովրդի միասնականութիւնն ու հզօրութիւնը:

Անդրադառնալով Միջուկային համապարփակ համաձայնագրի թեմային, Թեհրանի եւ հիւսիսային իրանահայութեան պատգամաւորը նշել է, որ ողջ աշխարահն ականատես էր, թէ բոլոր քննադատութիւններով հանդերձ մեզ յաջողւեց պահպանել ազգային միասնականութիւնն ու հանդէս գալ ուժի դիրքերից. «Ստեղծւած նոր իրավիճակն էլ հնարաւոր է յաղթահարել նոյն ոգու պահպանմամբ»,- ասել է նա:

Դոկտ. Կարէն Խանլարեանը յաւելել է, որ մենք պէտք է աշխարհին ապացուցենք, որ քաղաքական հարցերի շուրջ առկայ որոշակի տարաձայնութիւններով հանդերձ, երբ խնդիրը վերաբերում է մեր ազգային ինքնութեան, տարածքային ամբողջականութեան, ազգային անվտանգութեան ու անկախութեան պահպանման, «Բոլորս միակամ ու մէկ Իրան ենք»:

Շեշտելով, որ Իրանի ժողովուրդը երբեւէ չի հանդուրժելու իր ներքին գործերին արտասահմանեան ուժերի միջամտութիւնը, պատգամաւորը յատուկ ընդգծել է. «Մեր ազգային անկախութիւնը ենթադրում է պաշտպանական անկախ համակարգի առկայութիւն: Այսուհետ եւս շարունակելու ենք նոյն ընթացքը: Սա այն թեման է, որի շուրջ առկայ է համակարծութիւն»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։