Հա

Քաղաքական

11/06/2018 - 12:30

Զարիֆը՝ ԻՌՆԱ-ի հետ զրոյցում. «ՇՀԿ համագումարի ընթացքում կարեւորւել է Միջուկային գործարքի ամբողջական իրագործումը»

Չինական Ցինդաօ քաղաքում կայացած Շանհայի համագործակցութեան կազմակերպութեան 18-րդ համագումարը կարեւորել է Միջուկային համապարփակ համաձայնագրով ամրագրւած բոլոր կողմերի պարտաւորութիւնների լիարժէք եւ ամբողջական իրագործումը:

«alikonline.ir» - Չինական Ցինդաօ քաղաքում կայացած Շանհայի համագործակցութեան կազմակերպութեան 18-րդ համագումարը կարեւորել է Միջուկային համապարփակ համաձայնագրով ամրագրւած բոլոր կողմերի պարտաւորութիւնների լիարժէք եւ ամբողջական իրագործումը:

Այս մասին ԻՌՆԱ-ի հետ զրոյցում յայտնել է ԱԳ նախարար դոկտ. Մոհամմադ Ջաւադ Զարիֆը՝ յաւելելով, որ համագումարի ընթացքում նախագահ Ռոհանին ներկայացրել է Իրանի Իսլամական Հանրապետութեան դիրքորոշումները, իսկ համագումարն էլ իր լիարժէք աջակցութիւնն է յայտնել Միջուկային համապարփակ համաձայնագրին:

«Այցի ընթացքում առիթ ստեղծւեց, որպէսզի նախագահ Ռոհանին երկար բանակցութիւններ վարի Միջուկային գործարքի երկու կողմերի՝ Ռուսաստանի եւ Չինաստանի նախագահների հետ, որոնց ընթացքում քննարկւեցին գործարքից ԱՄՆ դուրս գալուց յետոյ ստեղծւած վիճակը, գործարքը պաշտպանելու միջոցները եւ բոլոր կողմերի ստանձնած պարտաւորութիւնները»,- ասել է դոկտ. Զարիֆը:

Ըստ նրա՝ թէ՛ Ռուսաստանի, թէ՛ Չինաստանի նախագահները հաւաստիացրել են, որ իրենց երկրներն լիարժէքօրէն իրագործելու են Միջուկային գործարքով իրենց ստանձնած պարտաւորութիւնները եւ ակնկալում են, որ նոյնպէս կը վարւեն նաեւ գործարքի եւրոպական կողմը ներկայացնող երկրները, որպէսզի Իրանը հնարաւորութիւն ստանայ օգտւելու գործարքի ընձեռած հնարաւորութիւններից:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։