ԱԳ նախարար դոկտ. Մոհամմադ Ջաւադ Զարիֆը Գերմանիայում ահաբեկչական յարձակման նախապատրաստման կասկածանքով իրանցի դիւանագէտի ձերբակալութեան մասին յայտարարութիւնը «չարագոյժ կեղծ հնարք» է անւանել:
«alikonline.ir» - ԱԳ նախարար դոկտ. Մոհամմադ Ջաւադ Զարիֆը Գերմանիայում ահաբեկչական յարձակման նախապատրաստման կասկածանքով իրանցի դիւանագէտի ձերբակալութեան մասին յայտարարութիւնը «չարագոյժ կեղծ հնարք» է անւանել:
«Ինչպէս յարմար է. երբ որ սկսւեց դէպի Եւրոպա նախագահի այցը, բացայայտւեց ենթադրեալ իրանական գործողութիւնը եւ «դաւադիրները» կալանաւորւած են: Իրանն անկասկած քննադատում է ցանկացած տեղում բռնութեան եւ ահաբեկչութեան բոլոր դէպքերը եւ պատրաստ է աշխատել բոլոր շահագրգիռ կողմերի հետ չարագոյժ կեղծ հնարքը բացայայտելու համար»,- «Twitter»-ի իր միկրոբլոգում գրել է դոկտ. Զարիֆը:
Աւելի վաղ հաղորդւել էր, որ Բելգիայում ձերբակալել են երկու իրանցիների, որոնք կասկածւում են «Մոնաֆեղին» ահաբեկչական խմբաւորման փարիզեան հաւաքի դէմ ահաբեկչական յարձակում նախապատրաստելու համար:
Բելգիայի գործի հետ կապւած Ֆրանսիայում եւ Գերմանիայում եւս երկու անձ էր կալանաւորւել: Մասնաւորապէս Գերմանիայում կալանաւորւել էր Վիեննայում Իրանի դեսպանատան դիւանագէտը:
