Հա

Քաղաքական

04/07/2018

Դեսպան Սաջջադին հանդիպել է ՀՀ սպորտի եւ երիտասարդութեան հարցերի նախարարի հետ

Յուլիսի 2-ին ՀՀ սպորտի եւ երիտասարդութեան հարցերի նախարար Լեւոն Վահրադեանը հիւընկալել է ՀՀ-ում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիին:  Այս մասին տեղեկացնում է նախարարութեան պաշտօնական կայքը:

«alikonline.ir» - Յուլիսի 2-ին ՀՀ սպորտի եւ երիտասարդութեան հարցերի նախարար Լեւոն Վահրադեանը հիւընկալել է ՀՀ-ում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիին: Այս մասին տեղեկացնում է նախարարութեան պաշտօնական կայքը:

Կողմերը քննարկել են սպորտի եւ երիտասարդութեան ոլորտներում երկու երկրների փոխգործակցութեանն առնչւող բազմաթիւ, այդ թւում՝ ազգային մարզաձեւերի ֆեդերացիաների համագործակցութեան, զանգւածային մարզական միջոցառումներ կազմակերպելու եւ երկու երկրները ներկայացնող մարզիկների մասնակցութեամբ համատեղ ուսումնամարզական հաւաքներ անցկացնելու վերաբերեալ թեմաներ:

Նախարարը եւ դեսպանը համակարծիք են եղել, որ սպորտային դիւանագիտութիւնը կարող է մեծապէս նպաստել Հայաստանի Հանրապետութեան եւ Իրանի Իսլամական Հանրապետութեան համագործակցութեան սերտացմանը ոչ միայն մարզական, այլեւ տնտեսական, մշակութային եւ այլ ոլորտներում:

«Հայկական կողմը պատրաստ է աջակցել սպորտի ոլորտի հայ եւ իրանցի մասնագէտների փորձի փոխանակման գործընթացը կազմակերպելուն, ինչպէս նաեւ մարզչական եւ մրցավարական սեմինարների անցկացմանը»,- դեսպանի առաջարկութեանը պատասխանել է նախարար Վահրադեանը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։