Հա

Քաղաքական

16/07/2018 - 14:00

Իրանի դեսպանն ու Աշոտ Յակոբեանը քննարկել են մուլտիմոդալ բեռնափոխադրումների մեծացման հնարաւորութիւնները

ՀՀ տրանսպորտի, կապի եւ տեղեկատւական տեխնոլոգիաների նախարար Աշոտ Յակոբեանն ընդունել է Հայաստանի Հանրապետութիւնում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիին։

«alikonline.ir» - ՀՀ տրանսպորտի, կապի եւ տեղեկատւական տեխնոլոգիաների նախարար Աշոտ Յակոբեանն ընդունել է Հայաստանի Հանրապետութիւնում Իրանի Իսլամական Հանրապետութեան արտակարգ եւ լիազօր դեսպան Սէյէդ Քազեմ Սաջջադիին։

Ըստ «tert.am»-ի՝ ինչպէս տեղեկացնում են նախարարութեան լրատւական ծառայութիւնից, ողջունելով դեսպանին՝ նախարարը նշել է, որ տրանսպորտի, կապի եւ բարձր տեխնոլոգիաների ոլորտներում երկու երկրների միջեւ արդիւնաւէտ համագործակցութիւն է ձեւաւորւել։ Յատկապէս ուղեւորափոխադրումների եւ բեռնափոխադրումների ոլորտում գործակցութիւնը տարեցտարի աւելի է ընդլայնւում։

Նախարար Աշոտ Յակոբեանն անդրադարձել է մուլտիմոդալ բեռնափոխադրումների ծաւալների մեծացման հնարաւորութիւններին՝ նշելով, որ ձեւաւորւած դրական փորձը գոհացուցիչ է, եւ բոլոր հնարաւորութիւնները պէտք է օգտագործել այն աւելի մեծացնելու համար։

Դեսպան Սէյէդ Քազեմ Սաջջադին, շնորհաւորելով նախարարին պաշտօնում նշանակւելու կապակցութեամբ, նշել է, որ Իրանի եւ Հայաստանի միջեւ տնտեսական կապերի ամրապնդումն ու խորացումը շահաւէտ են երկու երկրների համար էլ։ 

Հանդիպման ընթացքում կարեւորւել է Հիւսիս-հարաւ մայրուղու շինարարութիւնը։ Նշւել է, որ այն, որպէս տարանցիկ ուղի, առանցքային նշանակութիւն ունի ոչ միայն Հայաստանի, այլեւ հարեւան երկրի տնտեսութեան՝ մասնաւորապէս տրանսպորտի եւ զբօսաշրջութեան զարգացման համար։ 

Քննարկւել են նաեւ ճանապարհաշինութեան, երկաթուղու, ուղեւորափոխադրումների եւ բեռնափոխադրումների, կապի ոլորտներում համագործակցութեան ընդլայնմանն ուղղւած մի շարք հարցեր։

Յարակից լուրեր

  • Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը
    Իրանը եւ ԵՄ-ն կարեւորել են Եմէնի խաղաղութեան համաձայնագրի իրագործումը

    Եմէնի ճկնաժամի կապակցութեամբ, Իրանի եւ Եւրոմիթեան միջեւ կայացած բանակցութիւնների 5-րդ փուլի աւարտին, ԵՄ-ն հանդէս է եկել հաղորդագրութեամբ, որում կողմերի անունից, կարեւորւել է Եմէնի ճգնաժամաի կարգաւրման կապակցութեամբ, Ստոկհոլմի համաձայնագրի, մասնաւորապէս Ալ Հոդայդէ նաւահանգստում կրակի դադերացման մասին պայմանաւորւածութեան ամբողջական իրագործումը:

  • «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին
    «Ապառաժ»-ի խմբագրական. Կրկին ռազմավարական համաձայնագրի անհրաժեշտութեան մասին

    Թէեւ ՀՀ վարչապետի վկայութեամբ բանակցութիւններ չեն ընթանում Ադրբեջանի եւ ՀՀ իշխանութիւնների միջեւ, սակայն հանդիպումների, ծանօթութիւնների եւ անցեալի պատմութեան յուշերի փոխանակման արդիւնքում պէտք է խոստովանել, որ ղարաբաղա-ադրբեջանական սահմանային գօտում փոխհրաձգութիւնները նւազել են:

  • «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ
    «Դամասկոսի, Թեհրանի եւ Բաղդադի յարաբերութիւնները չափազանց ամուր են». Ասադ

    Մարտի 18-ին, Սիրիայի նախագահ Բաշշար Ասադը հանդիպել է Իրանի եւ Իրաքի զինւորական պատւիրակութիւնների հետ, որոնք Դամասկոսում էին, մասնակցելու տարածաշրջանում ահաբեկչութեան դէմ պայքարի կապակցութեամբ Սիրիայի, Իրանի եւ Իրաքի եռակողմ խորհրդակցութեանը:

  • ՀՀ վարչապետի Իրան այցի յատկանշելին…
    ՀՀ վարչապետի Իրան այցի յատկանշելին…

    Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

  • «Հայրենիք»-ի խմբագրական. Համերաշխութի՞ւն, թէ՞ հայատեացութիւն
    «Հայրենիք»-ի խմբագրական. Համերաշխութի՞ւն, թէ՞ հայատեացութիւն

    Բեղուն գործունէութեան մէջ է ԵԱՀԿ-ի Մինսքի խումբը, որ դրական վերլուծումով հաղորդագրութիւն մը լոյս ընծայած էր, տեղեկացնելով, թէ պատշաճ միջավայրի պահպանման անհրաժեշտութեան դիմաց, կ՛ողջունէ Հայաստանի վարչապետ Նիկոլ Փաշինեանի եւ Ատրպէյճանի նախագահ Իլհամ Ալիեւի միջեւ յառաջիկային սպասուող՝ առաջին ուղղակի շփումներու պատրաստակամութիւնը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։