Հա

Քաղաքական

23/07/2018 - 14:50

Նախագահը՝ «Յոյս» ֆրակցիայի հետ հանդիպման ժամանակ. «Կառավարութիւնը շարունակում է հաւատարիմ մնալ իր նախընտրական խոստումներին»

Հանրապետութեան նախագահ դոկտ. Հասան Ռոհանին այսօր՝ յուլիսի 23-ին հանդիպել է Իսլ. խորհրդարանի «Յոյս» բարեփոխական ֆրակցիայի ղեկավարի եւ դիւանի անդամների հետ:

«alikonline.ir» - Հանրապետութեան նախագահ դոկտ. Հասան Ռոհանին այսօր՝ յուլիսի 23-ին հանդիպել է Իսլ. խորհրդարանի «Յոյս» բարեփոխական ֆրակցիայի ղեկավարի եւ դիւանի անդամների հետ:

Հանդիպման ժամանակ, դոկտ. Ռոհանին նշելով, որ կառավարութեան եւ «Յոյս» խորհրդարանական ֆրակցիայի իդէալները, գաղափարները, դիսկուրսն ու նպատակները չափազանց մօտ են, ասել է, թէ դա կողմերի միջեւ կառուցողական՝ սերտ գորածկցութեան պատճառ է դարձել, ինչն էլ նպաստել է ժողովրդի խնդիրների կարգաւորման եւ երկրի բարգաւաճման գործին:

Հանրապետութեան նախագահը բարձր է գնահատել կառավարութեանը «Յոյս»-ի ցուցաբերած աջակցութիւնը եւ ներկայացրել է երկրի արտաքին քաղաքականութեան եւ տնտեսական վիճակը. «Միջուկային գործարքից ԱՄՆ-ի միակողմանի դուրս գալուց յետոյ ստեղծւած այն պայմանները, որոնց դէմ յանդիման ենք կանգնած այսօր, պահանջում են ջանք չխնայել, որպէսզի ժողովուրդն ապագայի նկատմամբ որեւէ մտահոգութիւն չունենայ»,- ասել է նա՝ յաւելելով, որ ներկայ պայամանները երկրի պատասխանատուներին ստիպում են առաւել, քան երբեւէ միակամ լինել:

Այս համատեքստում դոկտ. Ռոհանին յատկապէս կարեւորել է գործադիր եւ օրէնսդիր իշխանութիւնների սերտ գործակցութիւնը:

Անդրադառնալով ամենատարբեր բնագաւառներում գործող կառավարութեան ձեռքբերումներին, նախագահը մէկ անգամ եւս հաւստիացրել է, որ կառավարութիւնը շարունակում է հաւատարիմ մնալ նախաընտրական շրջանում ժողովրդին տրւած բոլոր խոստումներին եւ ջանք չի խնայելու դրանց իրագործման համար:

Հանդիպման ընթացքում «Յոյս» ֆրակցիայի ղեկավար դոկտ. Մոհամմադ Ռեզա Արեֆն էլ իր հերթին բարձր է գնահատել կառավարութեան գործունէութիւնը եւ իր ղեկավարած խորհրդարանական ֆրակցիայի անունից շնորհակալութիւն է յայտնել նախագահին եւ կառավարութեանը՝ խորհրդարանի հետ սերտ համագործակցութեան համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։