Հա

Քաղաքական

03/09/2018 - 08:55

Հանրապետութեան նախագահ. «Իսլ. յեղափոխութեան առաջնորդի ցուցումները կառավարութեան ուղեցոյցն են»

Իսլ. յեղափոխութեան առաջնորդի ցուցումները կառավարութեան ուղեցոյցն են:

«alikonline.ir»- Իսլ. յեղափոխութեան առաջնորդի ցուցումները կառավարութեան ուղեցոյցն են:

Ինչպէս տեղեկացնում է ԻՌՆԱ-ն՝ այս մասին երէկ՝ սեպտեմբերի 2-ին, կառավարութեան հերթական նիստի ժամանակ յայատարարել է հանրապետութեան նախագահ դոկտ. Հասան Ռոհանին՝ երախտագիտութիւն յայտնելով յեղափոխութեան առաջնորդին այդ ցուցումների համար:

Անդրադառնալով կառավարութեան անդամների հետ կայացած վերջին հանդիպման ժամանակ Իսլ. յեղափոխութեան առաջնորդի ելոյթին, որի ընթացքում նա նշել էր, թէ կառավարութիւնը կանգանծ է առկայ խնդիրների եւ դժւարութիւնների կարգաւորման առաջին գծում, դոկտ. Ռոհանին նշել է, որ կառավարութեանը սատարելու կապակցութեամբ յեղափոխութեան առաջնորդի յորդորը, գործադրի համար արժէքաւոր կապիտալ է՝ ստանձնած պարտականութիւնները լաւագոյնս կատարելու համար:

Կարեւորելով առաւել համադրման եւ ուժերի համալրման նպատակով, երկրի եռեակ ուժերի միջեւ կապերի ամրապնդման եւ Տնտեսական համադրումների գերագոյն խորհրդի ներուժն օգտագործելու կապակցութեամբ, Իսլ. յեղափոխութեան առաջնորդի ցուցումները՝ նախագահը դրանք համարել է արդիւնաւէտ խորհուրդներ, որոնք կը նպաստեն երկրի տնտեսոական կառավարմանը:

Դոկտ. Ռոհանին կառավարութեան անդամներին յորդորել է ջանք չխնայել Իսլ. յեղափոխութեան առաջնորդի ցուցումների իրագործման համար, եւ աշխատել այնպէս, որ հնարաւոր լինի սեղմ ժամկէտներում այդ ցուցումների իրագործման կապակցութեամբ զեկոյցը ներկայացնել յեղափոխութեան առաջնորդին:

Հանրապետութեան նախագահն ընդգծել է, որ տնտեսական կառավարման, կիսավարտ նախագծերը շահագործման յանձնելու, սեփականաշնորհման ընդլայնման եւ մասնաւոր սեկտորի հանդէպ լիարժէք հովանաւորութեան ցուցաբերման, ձեռնարկութիւնների աջակցութեան, բանկային համակարգում բարեփոխումների, կանխիկութեան կառավարման, անմշակ նիւթերի վաճառքից հրաժարւելու, տարածաշրջանային համագործակցութիւնների ընդլայնման եւ հարեւանն երկրների հետ առաւել սերտ կապեր հաստատելու կապակցութեամբ Իսլ. յեղափոխութեան առաջնորդի ցուցումները կառավարութեան աշխտանքային գերակայութիւններից են, որոնց իրագործումը դառնալու է բոլոր կառոյցների նպատակը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։