Հա

Քաղաքական

08/09/2018 - 08:50

Պուտինն ու Էրդողանը հանդիպել են

Թեհրանում, Երէկ՝ սեպտեմբերի 7-ին կայացած Իրան-Ռուսաստան-Թուրքիա գագաթաժողովի շրջանակում ՌԴ նախագահ Վլադիմիր Պուտինը հանդիպել է Թուրքիայի նախագահ Ռեջեբ Թայիբ Էրդողանի հետ:

«alikonline.ir» - Թեհրանում, Երէկ՝ սեպտեմբերի 7-ին կայացած Իրան-Ռուսաստան-Թուրքիա գագաթաժողովի շրջանակում ՌԴ նախագահ Վլադիմիր Պուտինը հանդիպել է Թուրքիայի նախագահ Ռեջեբ Թայիբ Էրդողանի հետ:

Երկու նախագահների առանձնազրոյցի մանրամասները չեն ներկայացւել, սակայն, կանխատեսւում է, որ նրանք քննարկել են Իդլիբը եւ այնտեղ մեկնարկած ռազմական գործողութիւնն ընդդիմադիր ծայրայեղական խմբաւորումների դէմ։

Յիշեցնենք, որ սեպտեմբերի 4-ին յայտնի է դարձել, որ ՌԴ ռազմաօդային ուժերը մասնակցում են Իդլիբ նահանգի դէմ թիրախային ռմբակոծմանը, ինչն արւում է նահանգը զինւած ահաբեկիչներից ազատագրելու նպատակով:

Գագաթաժողովի ժամանակ Թայիբ Էրդողանն իր ելոյթում յայտարարել է, որ սիրիական Իդլիբում տիրող իրավիճակը ճգնաժամային է ու կայ պայթիւնավտանգ։

«Իդլիբը կարեւոր է ոչ միայն Սիրիայի, այլեւ մեր ազգային անվտանգութեան ու տարածաշրջանի ապագայի համար, մենք չենք ցանկանում, որ Իդլիբն արեան ծով դառնայ»,- ասել է Էրդողանը։

Թուրքիայի նախագահը նաեւ նշել է, որ Սիրիայում ստեղծւած իրավիճակի հետ կապւած ընդդիմադիր խմբաւորումներն իրենց խաբւած են զգում։ Նա կարեւոր է համարել տարածքում հրադադարի ռեժիմի յայտարարումը։

Գագաթաժողովի ընթացքում Վլադիմիր Պուտինն էլ յայտնել է, որ ծայրայեղականներն Իդլիբում մի շարք սադրանքներ են պատրաստում, այդ թւում՝ քիմիական զէնքի հետ կապւած։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։