Հա

Քաղաքական

04/10/2018 - 10:00

Հանրապետութեան նախագահ. «ԱՄԴ վճիռն Իրանի ժողովրդի մեծ յաղթանակն է»

Հանրապետութեան նախագահն Արդարադատութեան միջազգային դատարանի (ԱՄԴ) վճիռը համարել է որպէս իրաւաքաղաքական խոշոր ձեռքբերում, որը պէտք է բնութագրել որպէս Իրանի ժողովրդի մեծ յաղթանակը:

«alikonline.ir» - Հանրապետութեան նախագահն Արդարադատութեան միջազգային դատարանի (ԱՄԴ) վճիռը համարել է որպէս իրաւաքաղաքական խոշոր ձեռքբերում, որը պէտք է բնութագրել որպէս Իրանի ժողովրդի մեծ յաղթանակը:

Ինչպէս տեղեկացնում է ԻՌՆԱ-ն՝ այս մասին նա յայտարարել է երէկ՝ հոկտեմբերի 3-ին, բարեփոխական մի խումբ ակտիւիստների հետ հանդիպման ժամանակ:

«ԱՄԴ այսօրւայ վճիռն իրաւաքաղաքական խոշոր ձեռքբերում է: Թէեւ ԱՄՆ վարչակազմը մեծ հաւանականութեամբ կը հրաժարւի ընդունել այն, այդուհանդերձ, դա Իրանի ժողովրդի համար մեծ յաղթանակ է, որ կարողացել է միջազգային ատեանում դատապարտել ԱՄՆ-ին»,- ասել է նախագահը՝ յաւելելով, որ առջեւում միջազգային, քաղաքական եւ տնտեսական լրջագոյն հարցեր կան, որոնք հնարաւոր կը լինի կարգաւորել միակամութեամբ:

Յիշեցնենք, որ հոկտեմբերի 3-ին Արդարադատութեան միջազգային դատարանը վճիռ է կայացրել ԱՄՆ-ի կողմից պարտաւորութիւնների կատարման անհրաժեշտութեան մասին, որը վերաբերում է 1955 թւականին կնքւած իրանա-ամերիկեան Բարեկամութեան պայմանագրին:

ԱՄՆ-ը մերժել է դատարանի վճիռը՝ յայտարարելով, որ դուրս է գալիս պայմանագրից:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։