Հա

Քաղաքական

04/10/2018 - 12:50

Իսլ. յեղափոխութեան առաջնորդ. «Կարեւորը՝ Իրանի փառքը, Իսլ. Հանրապետութեան զօրութիւնն ու ժողովրդի անպարտելի ոգին է»

Իսլ. յեղափոխութեան առաջնորդ այաթ. Ալի Խամենէին այսօր՝ հոկտեմբերի 4-ին Թեհրանի «Ազադի» ստադիոնում հանդիպել է Բասիջի տասնեակհազարաւոր անդամների հետ:

«alikonline.ir» - Իսլ. յեղափոխութեան առաջնորդ այաթ. Ալի Խամենէին այսօր՝ հոկտեմբերի 4-ին Թեհրանի «Ազադի» ստադիոնում հանդիպել է Բասիջի տասնեակհազարաւոր անդամների հետ:

Տասնեակհազարաւոր երիտասարդ բասիջականների ներկայութիւնը համեմատելով Պարտադրեալ պատերազմի տարիների հետ, երբ նոյն այս ստադիոնից հազարաւոր երիտասարդներ մեկնում էին ռազմաճակատ, պաշտպանելու Հայրենքիը, այաթ. Խամենէին նշել է, որ նրանց յաջողւեց յաղթել, յոյս յայտնելով, որ այսօրւայ երտասարդութեանը նոյնպէս կը յաջողւի յաղթանակած դուրս գալ բոլոր ասպարէզներից:

Անդրադառնալով, երկրի, տարածաշրջանի եւ աշխարհի զգայուն իրավիճակին, Իսլ. յեղափոխութեան առաջնորդն նշել է, որ առկայ մարտահրաւէրներն ու դժւարութիւնները բոլորին ստիպել են գործի անցնել, ինչն էլ երկրին հանել է թմբիրից:

«Իմ այսօրւայ ելոյթի բովանդակութիւնը յստակ է. առաջին՝ Իրանի փառքը, երկրոդ՝ Իսլամական Հանրապետութեան զօրութիւնը, երրորդ՝ Իրանի ժողովրդի անպարտելիութիւնը: Սրանք դատարկ խօսքեր չեն, սրանք լոկ լոզունգ չեն: Սրանք բացարձակ իրականութիւններ են, իսկ մեր թշնամին երազում է, որ մենք չգիտակցենք կամ մոռանանք դրանք»,- ասել է այաթ. Խամենէին՝ ընդգծելով, որ պատմութեան ողջ ընթացքում Իրանը մշտապէս փառք ու ապտիւ է վայելել: Իսլամական Հանրապետութիւնն էլ այնքան զօրեղ է եղել, որ կարողացել է Իրանին ազատել ԱՄՆ-ի եւ Բրիտանիայի լծից, յաղթել Պարտադրեալ պատերազմում եւ կանխել երկրի տարածքային ամբողջականութեան տրոհումը: Իսկ անպարտելի ոգու ապացոյցն էլ Իսլ. յեղափոխութեան յաղթանակից ի վեր, թշնամու ամենատարբեր դաւադրութիւնների չէզոքացումն է եղել:

Իսլ. յեղափոխութեան առաջնորդը երիտասարդութեանը համարել է Ազգային մեծ շարժման շարժիչ ուժը, նշելով, որ 40 տարիների ընթացքում, ամենատարբեր ասպարէզներում գրանցւած յաղթանակներում ու յաջողութիւններում առանցքային դեր է վերապահւած եղել երիտասարդութեանը, ընդգծելով, որ առկայ մարտահրաւէրների յաղթահարման գործում եւս երիտասրդութեանն առանցքային դեր է վերապահւած:

Այաթ. Խամենէին երիտասարդութեանը կոչ է արել գիտակցել, որ առաջընթացի ճամփան բաց, բայց միեւնոյն ժամանակ՝ դժւարին է:

Ըստ նրա՝ թշնամին մեր դէմ է եւ զգօն, իսկ նրան դիմակայելու եւ դէպի առաջ շարժւելու համար անհրաժեշտ է գիտակցել, որ կայ եւ գոյութիւն ունի թշնամի, չկորցնել ինքնավստահութիւնն ու կամքը եւ ճանաչել, թէ որոնք են այն ասպարէզները, որտեղ պէտք է դիմակայել թշնամուն:

Իսլ. յեղափոխութեան առաջնորդը նշել է, որ լիարժէք տիրապետում է երկրի իրադարձութիւններին եւ վստահօրէն կարող է ասել, որ նոր սերունդը հաստատակամ է  չնւաստանալ, չյանձնւել թշնամուն եւ Հայրենիքը հասցնել փառքի ու հզօրութեան գագաթնակէտին:

Անդրադառնալով Իրանի դէմ սահմանած ԱՄՆ պատժամիջոցներին, այաթ. Խամենէին ասել է, որ դա միակ ելքն է, որի միջոցով ԱՄՆ-ը կարող է պայքարել Իրանի դէմ: Նա, սակայն, յիշեցրել է, որ այդ պատժամիջոցներն աւելի թոյլ են, քան ազգային տնտեսութիւնը, իսկ ազգային տնտեսութիւնը կարող է ի դերեւ դարձնել դրանք. «Ազգային տնտեսութիւնը կարող է ձախողել պատժամիջոցները: Իսկ պատժամիջոցների ձախողումը, դա նոյն ինքը՝ ԱՄՆ-ի պարտութիւնն է»,- ասել է Իսլ. յեղափոխութեան առաջնորդը:

Յարակից լուրեր

  • Արթուր Եղիազարեան. «Վերջիվերջոյ, ո՞ւր ենք գնում որպէս երկիր»
    Արթուր Եղիազարեան. «Վերջիվերջոյ, ո՞ւր ենք գնում որպէս երկիր»

    Փաշինեանը նշել էր, թէ այդ հանդիպումներից յետոյ՝ համարում է, որ կայ նաեւ ՀՅԴ Հայաստանի ներկայացուցիչների հետ հանդիպելու անհրաժեշտութիւն, սակայն այդպէս էլ չհանդիպեց ՀՅԴ լիդերների հետ: Այս մասին մամուլում տեսակէտներ հնչեցին, թէ սփիւռքեան կառոյցների ներկայացուցիչները դժգոհ են Հայաստանում ՀՅԴ ղեկավարների գործունէութիւնից, վարչապետն էլ նրանց որոշակի ակնարկներ է արել ՀՅԴ ճակատագրի մասին: 

  • Միշէլ Աունը ընդունել է Լիբանանի դաշնակցական նախարար Աւետիս Կիտանեանին
    Միշէլ Աունը ընդունել է Լիբանանի դաշնակցական նախարար Աւետիս Կիտանեանին

    Լիբանանի նախագահ Միշէլ Աունն այսօր ընդունել է երկրում զբօսաշրջութեան նախարար, ՀՅԴ անդամ Աւետիս Կիտսանեանին:

  • Հանդիպումները կայացան. այժմ խօսքերը գործնականացնելու ժամանակն է...
    Հանդիպումները կայացան. այժմ խօսքերը գործնականացնելու ժամանակն է...

    Յարգելի ընթերցող, ինչպէս անցնող շաբաթւայ ընթացքում մեր թղթակցութիւնների ընդմիջից ներկայացրինք, կայացան թեհրանահայ համայնքի եռեակ հայաշատ քաղաքամասերի քաղաքացիների հետ Թեհրանի հայոց թեմի Պատգամաւորական ժողովի եւ Թեմական խորհրդի միջեւ անմիջական հանդիպում-քննարկումները:

  • Որեւէ արտառոց բան չկայ վարչապետի հետ մեր հանդիպման ձեւաչափում
    Որեւէ արտառոց բան չկայ վարչապետի հետ մեր հանդիպման ձեւաչափում

    ՀՅԴ հանրային կապերի գրասենեակն հոկտեմբերի 12-ին խիստ լակոնիկ հաղորդագրութիւն տարածեց այն մասին, որ երէկ՝ հոկտեմբերի 11-ին կայացել է ՀՀ վարչապետ Նիկոլ Փաշինեանի եւ ՀՅԴ Բիւրոյի անդամներ Մուրադ Փափազեանի, Սպարտակ Սէյրանեանի եւ ՀՅԴ Հայաստանի ԳՄ ներկայացուցիչ Արսէն Համբարձումեանի հանդիպումը, քննարկւել են Հայաստանի ներքաղաքական իրավիճակին, առաջիկայ զարգացումներին վերաբերող հարցեր։ Պայմանաւորւածութիւն է ձեռք բերւել առաջիկայ օրերին շարունակել հանդիպումները։

  • Նիկոլ Փաշինեանը հանդիպում է ունեցել ՀՅԴ ներկայացուցիչների հետ
    Նիկոլ Փաշինեանը հանդիպում է ունեցել ՀՅԴ ներկայացուցիչների հետ

    2018 թ. հոկտեմբերի 11-ին կայացել է ՀՀ վարչապետ Նիկոլ Փաշինեանի եւ ՀՅԴ Բիւրոյի անդամներ Մուրադ Փափազեանի, Սպարտակ Սէյրանեանի եւ ՀՅԴ Հայաստանի ԳՄ ներկայացուցիչ Արսէն Համբարձումեանի հանդիպումը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։