Հա

Քաղաքական

18/03/2019 - 14:50

ՀՀ վարչապետի Իրան այցի յատկանշելին…

Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

ՍՈՒՐԻԿ ԱԲՆՈՒՍԵԱՆ

 

Իրան-Հայաստան յարաբերութիւններում, 2019 թւականի փետրւարի 27-ին ՀՀ վարչապետ Ն. Փաշինեանի եւ նրան ընկերակցող պատւիրակութեան այցը յատկանշական պէտք է համարել, քանի որ. Հայաստանում իշխանափոխութիւնից յետոյ, մտահոգութիւն էր առաջացել այն մասին, թէ հնարաւոր է պաշտօնական Երեւանի քաղաքական արեւելման փոփոխութիւնը՝ հիւսիս-հարաւից դէպի Արեւմուտք: Այլ խօսքով, արեւելեան օրիենտացիան պէտք է, որ զիջէր արեւմտեանին:

Սակայն Նիկոլ Փաշինեանի այցը Ռուսաստան եւ հանդիպումը Վլադիմիր Պուտինի հետ, եւ նրա՝ ոչ պակաս կարեւոր այցն Իրան եթէ ոչ ամբողջովին, գոնէ մեծ չափով փարատեց այդ մտահոգութիւնը, փաստելով որ Հայաստանը վարելու է հաւասարակշռւած քաղաքականութիւն՝ կարեւորելով իր երկու ռազմավարական գործընկերների հետ յարաբերութիւնները:

Իրանական կողմն, իր հերթին, ցուցաբերելով ամենաբարձր մակարդակի ընդունելութիւն, փաստեց որ Հայաստանը հակառակ նրան, որ Իրանի ամենափոքր հարեւանն է, սակայն Իրանի տարածաշրջանային քաղաքականութեան համատեքստում ունի ոչ պակաս կարեւորութիւն, քան առաւել մեծ տարածքներ եւ ռեսուրսներ ունեցող հարեւանները:

Հանր. նախագահ դոկտ. Ռոհանիի, ինչպէս նաեւ Իսլ. խորհրդարանի նախագահ դոկտ. Լարիջանիի ջերմ ընդունելութիւնը, տւած հարցազրոյցները գալիս են ամրագրելու այդ փաստը:

Այցի բարձրակէտը, սակայն, Իսլ. յեղափոխութեան առաջնորդ Սէյէդ Ալի Խամենէիի հետ հանդիպումն էր, որը կտրուկ բարձրացրեց այցի կարեւորութիւնը եւ նշանակութիւնը:

Այս հանդիպումը ունէր մի քանի առանցքային կողմեր, որոնցից կարելի է առանձնացնել.

1- Յեղափոխութեան առաջնորդը բարձր գնահատեց ՀՀ վարչապետի այցն Իրան, յոյս յայտնելով, որ այն կը նպաստի երկու երկրների յարաբերութիւնների մակարդակի առաւել բարձրացմանը:

2- Այաթ. Խամենէին անդրադառնալով ԼՂ հակամարտութեանը, յստակ նշեց, որ այն պէտք է լուծւի բանակցութիւնների միջոցով, եւ Իրանի անունից պատրաստակամութիւն յայտնեց միջնորդական առաքելութիւն իրականացնելու համար:

3- Յեղափոխութեան առաջնորդը յատուկ ընդգծեց, որ Իրան-Հայաստան յարաբերութիւնները չպէտք է ազդւեն ԱՄՆ գործադրած ճնշումներից:

4- Առաջնորդը ընդգծեց նաեւ իրանահայութեան մեծ ու դրական ներդրումն Իրանի ազգային, քաղաքական, հասարակական, մշակութային եւ տնտեսական կեանքում: Նա կարեւորեց յատկապէս պարտադրեալ պատերազմի ժամանակ իրանահայութեան դերակատարութիւնը, տւած նահատակները, գերիներն ու անձնուրացները, նշելով որ անձամբ մեծ գուրգուրանք է ցուցաբերել եւ շարունակում է ցոյց տալ բոլոր հայ նահատակների, անձնուրացների եւ գերիների ընտանիքներին՝ պարբերաբար այցելելով նրանց տները, որոնց ընթացքում մշտապէս հանդիպում է ջերմ ընդունելութեան:

Նիկոլ Փաշինեանի այցն Իրան, պաշտօնական հանդիպումներից բացի, ունէր նաեւ ոչ-պաշտօնական հանդիպումներ, որոնցից կարելի է առանձնացնել յատկապէս ժողովրդական հանդիպումը եւ համայնքի ջերմ ընդունելութիւնը, որը խիստ դրական ազդեցութիւն թողեց թէ՛ հայաստանեան կողմի եւ թէ՛ համայնքի վրայ:

Հանդիպման ընթացքում առաջացան նաեւ որոշ թիւրիմացութիւններ: Սակայն, պէտք է նշել, որ ո՛չ կազմակերպիչ յանձնախումբը, եւ ո՛չ էլ համայնքը, ոչ մի միտում չունէին հայ կամ պարսիկ որեւէ հայրենակցի անհանգստացնելու կամ վշտացնելու:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։