Հա

Քաղաքական

11/04/2019 - 13:30

«Պակազաօրին՝ ահաբեկչական կազմակերպութիւն ճանաչելու մասին ԱՄՆ որոշումն անմտութիւն է». Կարէն Խանլարեանը

«Ֆարս» լրատւական գործակալութեան հետ զրոյցում, Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանն անդրադարձել է ԱՄՆ-ի՝ Իսլ. յեղափոխութեան պահակազօրին «օտարերկրեայ ահաբեկչական կազմակերպութիւն» ճանաչելու մասին որոշմանը, այն անւանելով անմտութիւն:

«alikonline.ir» - «Ֆարս» լրատւական գործակալութեան հետ զրոյցում, Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանն անդրադարձել է ԱՄՆ-ի՝ Իսլ. յեղափոխութեան պահակազօրին «օտարերկրեայ ահաբեկչական կազմակերպութիւն» ճանաչելու մասին որոշմանը, այն անւանելով անմտութիւն:

«Իսլ. յեղափոխութեան պահակազօրը մշտապէս պայքարել է տարածաշրջանում գործող ահաբեկչական խմբաւորումների դէմ: Անմտութիւն է, երբ ԱՄՆ-ն անտեսելով ԴԱԷՇ-ին կամ այլ ահաբեկչական խմբաւորումներին, Պահակազօրին է ներառում օտարերկրեայ ահաբեկչական կազմակերպութիւնների ցուցակում: Մենք ականատես ենք եղել, թէ ԱՄՆ-ն ինչպէս է ակնյայտօրէն հովանաւորում այդ ահաբեկչական կազմակերպութիւններին»,- ասել է պատգամաւորը՝ յաւելելով, որ Պահակազօրն ու գեներալ Սոլէյմանին Սիրիայում են պաշտօնական Դամասկոսի հրաւէրով՝ ահաբեկչական խմբաւորումների դէմ պայքարի գործում այդ երկրի կառավարական ուժերին աջակցելու նպատակով:

«Իսլ. յեղափոխութեան պահակազօրը երկրի ժողովրդական կառոյցներից մէկն է, որը համալրւել է ամենագաղափարակն երիտասարդներով, որոնք ամենատարբեր ասպարէզներում ծառայել են երկրին: Պահակազօրն՝ «օտարերկրեայ ահաբեկչական կազմակերպութիւն» ճանաչելու մասին ԱՄՆ որոշումը փաստում է, թէ ամերիկացիներն ինչպիսի երկակի եւ անմիտ չափորոշիչներ են կիրառում»,- եզրակացրել է Կարէն Խանլարեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։