Հա

Քաղաքական

14/04/2019 - 13:40

«Եւրոպացիները չունեն որեւէ պատրւակ «INSTEX»-ի գործարկումը յետաձգելու համար». Զարիֆ

Իրանի հետ առեւտրի ֆինանսաւորման յատուկ մեխանիզմի (INSTEX) գործարկման համար, անհրաժեշտ էր, որպէսզի Իրանը եւս համարժէք կառոյց ստեղծի, որն անցեալ շաբաթ արդէն գործարկւել է, այնպէս որ եւրպոցաիներն այլեւս չունեն որեւէ պատրւակ «INSTEX»-ի գործարկումը յետաձգելու համար:

«alikonline.ir» - Իրանի հետ առեւտրի ֆինանսաւորման յատուկ մեխանիզմի (INSTEX) գործարկման համար, անհրաժեշտ էր, որպէսզի Իրանը եւս համարժէք կառոյց ստեղծի, որն անցեալ շաբաթ արդէն գործարկւել է, այնպէս որ եւրպոցաիներն այլեւս չունեն որեւէ պատրւակ «INSTEX»-ի գործարկումը յետաձգելու համար: Այս մասին ԱԳՆ տնտեսական դիւանագիտութեան կայքի շնորհանդէսի ժամանակ յայտարարել է ԱԳ նախարար Մոհամմադ Ջաւադ Զարիֆը: Փոխանցում է ԻՌՆԱ-ն:

««INSTEX»-ի գործարկումը եւրոպական կողմի ստանձնած պարտաւորութիւնների ընդամէնը նախապայմանն է: ԱՄՆ-ի՝ Միջուկային գործարքից դուրս գալուց յետոյ, եւրոպական կողմը մի քանի պարտաւորութիւններ ստանձնեց, որոնց իրագործման համար, անհրաժեշտ էր «INSTEX»-ի գործարկումը»,- ասել է Իրանի արտաքին քաղաքական գերատեսչութեան ղեկավարը՝ նշելով, որ ստանձնած պարտաւորութիւնների իրագործումը եւրոպական կողմից մեծ ջանք է պահանջում, քանի որ նրանք արդէն յետ են մնացել նախատեսւած գրաֆիկից:

«Իրանի Իսլամական Հանրապետութիւնը յաւէրժ սպասել չի կարող: Մենք մի քանի երկրների հետ նմանատիպ մեխանիզմներ ենք ստեղծել, որոնք աշխատում են: Ես չգիտեմ, թէ այս մեխանիզմի գործարքի համար եւրոպացիներին ինչքան ժամանակ է պէտք»,- ասել է Զարիֆը:

ԱԳՆ ղեկավարն անդրադարձել է նաեւ ԱՄՆ-ի՝ Իսլ. յեղափոխութեան պահակազօրին «օտարերկրեայ ահաբեկչական կազմակերպութիւն» ճանաչելու որոշման վերաբերեալ Իրանի ձեռնարկած քայլերին. «Որպէս պատասխան քայլ, Ազգային անվտանգութեան գերագոյն խորհուրդն անմիջապէս ԱՄՆ-ին ահաբեկչութիւնը հովանաւորող երկիր, իսկ Արեւմտեան Ասիայում այդ երկրի ԶՈՒ-ի գլխաւոր հրամանատարութեանը (United States Central Command) ահաբեկչական կազմակերպութիւն ճանաչեց: Դրանից բացի, խորհրդարանը եւս քայլեր է ձեռնարկում, որոնց կապակցութեամբ մշտական խորհրդակցութիւններ ենք անց կացնում օրէնսդրի հետ, իսկ անձամբ ես, նամակ եմ յղել ՄԱԿ-ի գլխաւոր քարտուղարին եւ Անվտանգութեան խորհրդին, ներկայացնելով այդ երկրի հակաօրինական գործողութիւնն ու դրա վտանգաւոր հետեւանքները տարածաշրջանի համար»,- նշել է նա:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։