Հա

Քաղաքական

09/05/2019 - 13:00

«Իրանի հետ ֆինանսաբանկային յարաբերութիւնների հարցերով Եւրոպան չպէտք է հետեւի ԱՄՆ-ին». Կարէն Խանլարեան

Իսլամական խորհրդարանում Թեհրանի եւ հիւսիսային իրանահայութեան պատգամաւորը «Ֆարս» լրատւական գործակալութեան հետ զրոյցում, բարձր է գնահատել Ազգային անվտանգութեան գերագոյն խորհուրդի՝ Միջուկային համապարփակ համաձայնագրով ամրագրւած պարտաւորութիւնները կատարելու համար, Եւրոպային 60 օր ժամանակ տալու մասին որոշումը:

«alikonline.ir» - Իսլամական խորհրդարանում Թեհրանի եւ հիւսիսային իրանահայութեան պատգամաւորը «Ֆարս» լրատւական գործակալութեան հետ զրոյցում, բարձր է գնահատել Ազգային անվտանգութեան գերագոյն խորհուրդի՝ Միջուկային համապարփակ համաձայնագրով ամրագրւած պարտաւորութիւնները կատարելու համար, Եւրոպային 60 օր ժամանակ տալու մասին որոշումը:

Ըստ նրա՝ անիմաստ է, երբ միւս կողմը չի իրագործում համաձայնագրով նախատեսւած գործողութիւնները, ապա Իրանը կատարի իր ստանձնած պարտաւորութիւնները:

«Հակադարձ քայլի դիմելը մեր բնական իրաւունքն է»,- ասել է պատգամաւորը՝ յաւելելով, որ որպէս առաջին քայլ, ծանր ջրի վաճառքի եւ հարստացւած ուրանի փոխանակման ժամանակաւոր կասեցման մասին Հանրապետութեան նախագահի յայտարարութիւնը տրամաբանական էր:

Նա նշել է, որ առաջիկայ 60 օրւայ ընթացքում, Եւրոպան պարտաւոր է ապացուցել, որ ունի քաղաքական բաւարար կամք, Միջուկային գործարքի պահպանման համար. «Որպէս բարի կամքի դրսեւորում, Իրանի հետ ֆինանսաբանկային յարաբերութիւնների հարցերով Եւրոպան չպէտք է հետեւի ԱՄՆ-ին»,- եզրակացրել է դոկտ. Խանլարեանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։